Sebahat Tuncel: 29 serrî ceza nîşan dano ke ma îqtîdar nêrehet kerdo 

2019-02-11 13:13:18


	 

	Şehrîban Aslan

	 

	AMED - Avûkata Sebahat Tuncele, Cemîle Turhalliye derheqê 29 serrî û 3 aşmî cezaya Gultan Kişanak û muvekîla aye Sebahat Tuncele rê ameya birnayîş de qisey kerde û dîyar kerde ke  Sebahat Tuncele vera qerarî şaş nêmenda. Cemîleye va Sebahate wina vato: "No qerar ramojneno ke ma çiqas heqdar ê. Ganî prosesê tarî ke Tirkîya tede ya, ganî ma hîna fedekarî bikerê. Grevê vêşanî zî no het ra prosesêke ma fikrê xo îfade kenê yo."

	 

	Çarçeweya cigêrayîşê hetê Serdozgerîya Komara ya Amedî ra ameya meşnayîş de, Teşrîna Verêne 2016 de hemşaredara bajarê Gird ya Amedî Gultan Kişanake amîbî tepiştiş. Heto bîn ra teşrîna peyêne de zî hemsereka pêroyî ya DBPî Sebahat Tuncele amîbî tepiştiş. Dewaya ke her di sîyasetmedarî ameyne muhakemekerdene, pêroyî de her di siyasetmedaran 29 serrî û 3 aşmî ceza amî birnayîş.

	 

	Raya pêroyî reaksîyon vera babete nîşan dayî û avûkata Sebahate, Cemîle Turhalli Balsake dîyar kerde ke Tirkîya bi qerarê wina xo vera Dadgeha Heqê Merdiman ê Ewropa (DMME) mahkum kerda.

	 

	'Her çî bi lez û bez kerdî'

	 

	Cemîleye va dimayê Sebahate ameya tepiştiş, vera ke berê zîndanê Tîpa E yê Amedî, berdê hepisxaneyê Sîlîvrî. Amed de tena roniştişêke aye ameya vînayîş û bi sebebê asayîşê neqlê Dadgeha Cezaya Giran ya Meletî ameya kerdiş. Cemîleye va avûkatanê aye zî Amede yê û her rey seba muhakemekerdişî şîyê Meletî û wina va: "Muhakemekerdiş xora bi hawayêke facto ame meşnayîş. Heqê pawitişê muvekîla mi ame astengkerdiş. Ferz kerdî ke bi SEGBÎS beşdar bibo. Her çî bi lezgînî meşnayî."

	 

	Heqê muhakemerkerdişêke adîlane û pawitişêke adîlane ame îhlalkerdiş. Cezayê nêzdî dayî Sebahat û Gultane. No zî balkêş o. Qeraro bi sebeb hîna nêameyo eşkerakerdiş. Na ceza derheqê çi de ameya dayîş zî zelal nîya"

	 

	'Qerar Sebahete şaş nêkerd'

	 

	Cemîleye arde ziwan ke dimayê qerarî bi Sebahate dir pêvînayîşêke kerdê û va: "Sebahate va 'Muhakemekerdişê wina her wext ajandayê nimte ê îqtîdarî de estê' Eynî wextî de ê vera qerarî de şaş nêmendê. Prosesê temyîz, îtîraz û îstînafî esto. Coka ma nêeşkenê vajê ke prosesê muhakemekerdişî qedîyayo. Sebahete 28 rojî yo grevê vêşanî de ya. Şert û merc seba hepsîyan zehmet ê. Ez eşkena vajî ke pêwa her çî moral û motîvasyonê înan zaf berz bi."