Ofrî Daga gêroke: Ez xo bi eşte wey kena   

2019-02-09 15:16:10


	 

	ÎZMÎR - Ofrî Daga gêroka ke Israîl ra ya xo bi eşte wey kena, dîyar kena ke eştişê çopî ra wey bena, dîyar kerde ke çop konseptêke kulturê xerckerdişî empoze kerdê û wina va: "No zî xerckerdişî wey keno."

	 

	Ofrî Daga Israîlije, Dandelîon Lakewood ê DYAyî kesê gêrokî ke sînor nasnêkenê yê, welatê ke geyrenê hewl danê ke freeganîzmî (bêperebîyayîş) qalî bikerê. Ofrî Dage arde ziwan ke her tewir xida û hacetan, eşkenê bêrê vurnayîş û va ke kulturê xerckerdişî û kapîtalîzm, meslekê cuyake vera paweno.

	 

	Ofrîya ke serra vîyarte de aşma gulane de Polonyayî dest bi gêrayîşê xo kerde, Zagrepteyî, Dandelîon Lakewood nas kerde û rayîrê xo bi ey dir dewam kerde. Ofrîya ke 20 welatî gêraya, bi Dandelîon dir hewl dana bale bianca çimeyê ke yenê zîyankerdiş û kulturê xerckerdişî ser. Ofrî û Dandelîon bi muzîkê kuçeyî dir pere qezenc kenê, şîyayeyê rayîrê xo vejenê û serê çapemenîya komelî zî vîdeoyê werdê serê çopî kom kenê, pare kenê.

	 

	'Xidayê zêde yenê zîyankerdiş'

	 

	Ofrî da zanayîş ke bi taybet xidayê zêde yenê zîyankerdiş û wina va: "Ez 3 serrî sey vegan cuyaya. La mi qerar da ke no qîm nêkeno. Mi fam kerd ke werdê ke yenê eştiş, eşkenê bêrê werdiş. No seba cil û çî bînan zî derbaz bibo. Bi aşman o wina cuyena. Çop ra werd vînayîş, sey rewşêke qijvistiş yeno vînayîş. No zî kulturê xerckerdişî wey keno. Beno ke sebebê xerîbbîyayîşê kede bibo. Xida û her tewir çimeyî ganî dîqet bêrê xebitnayîş. Ganî eştiş goreyê ke bêro vurnayîş bêro pawitiş. Îzmîr de pêwa hende çî yenê zîyankerdiş, vînayîşê werdêke pak zehmet o. Çimeyê dinya qedîyayê. Her roj seba lêşinî 140 tewir nebat û heywanî çin benê. Kesê ke nêwazenê çop ra wey bibê, qe nêbo ganî berardişê mintiqa ra dayîş û girewtiş bikerê. Her kes seba ramitişê xo bikero ganî têkoşîn bikero."