Cinîyê Efrinîjî: Têkoşînê ma dewam keno 

2019-02-09 14:01:13


	 

	Ferîde Zade

	 

	ŞEHBA - Cinîyê Efrînijî ê Kampa Berxwedanî yê Şehbayî de bi ca bîyê ardî ziwan ke pêwa heme zehmetîyan ê cuya xo dewam kenê û vatî: "Têkoşînê ma dewam keno. Ma zaf zehmetî vînenê la nê zehmetî nêvînenê asteng ke ma fek têkoşîn û xoverdayîşê xo vera bidê."

	 

	Dimayê hêrişê dewleta tirkan û komê girêdayê ci do şarê Efrînî Şehba de bi ca bî û nika têkoşînê xo yê cu dewam kenê. Cinîyê Efrînî yê ke Kampa Berxwedanî yê Şehba de bi ca bîyê ardî ziwan ke pêwa heme zehmetîyan ê cuya xo dewam kenê û vatî: "Ma zaf zehmetî vînenê. Rojêke verê çimê ma beno sey serrêke. La ma reyna zî acis nêbenê. Ma do Efrînî îşxalkerdoxan rê nêverdê."

	 

	'Şarê Efrînî pîya cuyêke têduşt cuyenê'

	 

	Cinîya bi nameyê Fehîme Mihemeda ke Mintiqaya Efrînî wina qisey kerde û va: "Şarê Efrînî pîya cuyake têduşt cuyenê. Heme yewbînan ra benê hetkar, ma zaf zor û zehmetî cuyenê. Her roje ma awe kuçeyan ra ancenê. La nê zehmetî nêbenê sebeb ke ma fek xoverdayîş ra vera bidê."

	 

	'Nika ma tîya pîya têkoşînê cu danê'

	 

	Heto bîn ra zî, cinîya bi nameyê Selme Toşoya mintiqaya Efrînî û nika kampa Berxwedanî ê Kantonê şehbayî de bi ca bîya zî vana: "Seba ke nika zimistan o, dinya serdên a, çamure esta. Seba ke şertê zimistanî giran ê coka zehmetîyê ke ma vînenê zêde benê. Nika ma tîya pîya têkoşînê cu danê."

	 

	'Têkoşîn ma dewam keno'

	 

	Cinîya bi nameyê Zelox Henane zî wina va: "Ma verê her çî  wazenê reyna ageyrê Efrîn û Efrîn xilas bibo. Ma her wext amadeyê seba xelisnayîşî Efrînî. Ma zaf zehmetîyan tîya vînenê, la ma do seba Efrînî her wext xo ver bidê. Kînê ma yê vera Erdoganî do qetî nêqedîyo. Têkoşînê ma dewam keno. Ma zaf zehmetîyan vînenê la nê zehmetî nêbenê asteng ke fek têkoşîn û xoverdayîşê xo ra vera bidê. Ma zaf zehmetîyan vînenê. Rojêke verê çimanê ma beno sey serrêke. La ma reyna zî acis nêbenê. Ma do Efrînî îşxalkerodxan ra nêverdê."