
Bi keda destê xo nasnameyê xo pawena 

2019-02-07 13:49:55


	&nbsp;

	Rojda Seyidxan

	&nbsp;

	QAMIŞLO - Cinîya bi nameyê Hemdîya Xidira ke bi keda destê xo nasnameyê xo pawena û pê debara xo kena wina vana: "Ez wazena bi keda destê xo debara xo bikerî û destê xo verê kesêke de anêkerî. Her wext mi wina kerd û ez nê çî dewam kena."

	&nbsp;

	Hemdiya Xidira 52 serrî Qamişloyî de cuyena arde ziwan ke ê bi keda destê xo xeylê çî viraznena û sûke de roşena û wina va: "Ez 13 serrî ya xo ra heta nika bi karê destan dir eleqedar bena. No mi û domana mi zaf kêfweş keno. Eynî wextî de zî seba ke ez lazimîyê komelî rê bena &nbsp;cewab ez kêfweş bena."

	&nbsp;

	'Ez wina kulturê xo pawena'

	&nbsp;

	Hemdîyaye bale ante ser giringîyê keda destan û wina va: "Ez dayîke xo ra karê destan musaya. Ez qazax, êleg, papîk, pûncan viraznena. Xeylê çîyê ke ez viraznena, kulturê ma yê tarîxî yê. Ez wina kulturê xo rê zî wayîr vejîyena. Xeylê cinîyê derûdorê mi zî wazenê bimusê û ez eynî wextî de hetkarîya înan zî kena. Coka kêfweş a."

	&nbsp;

	'Ez wazena bi keda destê xo debara xo bikerî'

	&nbsp;

	Hemdîyeye qiseykerdişê xo wina qedêna: "Ez xeylê çîyan viraznena û sûke de roşena. Mêrde û domanê mi vanê xo acis meke la ez wazena kar bikerî. Eynî wextî de rewşa min a weşîye baş zî nîya la ez reyna hewl dana ke mîyanê têkoşîn de bî. Ez wazena bi keda destê xo debara xo xo bikerê û destê xo verê tu kesî de anêkerî. Her wext min wina kerd û ez nê dewam kena. Ez 13 serrî ya xo ra heta nika bi karê destan eleqedar bîya. Nê çî domanê mi zaf kêfweş keno. Eynî wextî de zî seba ke lazimîyê komelî ra bena cewab ez kêfweş bena."

	&nbsp;