'Ma nêwazenê zulmê DAIŞî reyna bibo' 

2019-02-07 13:19:32


	 

	Sîlva Birahîm   

	 

	MINBIC - Seba tehdîd û hêrişê dewleta tirkan serê Sûrîye ser cinîya bi nameyê Zerge Ehmede nêrazîbîyayîşê xo arde ziwan û wina va: "Ma nêwazenê zulmê DAIŞî bi destê çeteyê Erdogan reyna bibo. Ma nêverdenê ke îşxalkerdoxî herra ma îşxal bikerê."

	 

	Tehdîd û hêrîşê dewleta tirkan ê serê Sûrîye dewam kenê. Derheqê babete de cinîya bi nameyê Zerge Ehmeda 53 serrî nêrazîbîyayîşê xo yê vera tehdîd û hêrişan arde ziwan û va: "Verê ke Minbic bêro xelisnayîş, ma zaf dej û zehmetî ant. Ma nêwazenê reyna bi destê dewleta tirkan no dej û zehmetî reyna bêrê kerdene. Heta ke destê ma ra bêro ma do xo ver bidê."

	 

	'Ma do fek têkoşînê xo ra vera nêdê'

	 

	Zergeye wina va: "Wexto ke çeteyê DAIŞî hêrişê ma kerdî ma bi zulmêke pîl dir rî bi rî mendî. Mêrdeyê mi Şehin Resul 5 serrî yo ma ra dûr, destê DAIŞî de tepişnaye bi. esîr bi. Xêrê YPG/YPJ/QSDî ra ame xelisnayîş. Ma seba hêrişan koçê Efrînê Rojawanî kerd. Heta ke Minbic ame xelisnayîş, ma peynî de ageyrayî. Nika seba  DAIŞ ver bi çinbîyayîş şino, la Erdogan nêwazeno DAIŞ peynî bibo. La ma do nêverdê çete û îşxalkerdoxî serkewte bibê û ma do fek têkoşînê xo ra vera nêdê."

	 

	'Ma nêwazenê zulmê DAIŞî reyna bibo'

	 

	Zergeye tewr peyîn wina va: "Ma nêwazenê zulmê DAIŞî bi destê çeteyê Erdogan reyna bibo. Ma nêverdenê îşxalkerdoxî herra ma îşxal bikerê. Verê ke Minbic bêro xelisnayîş ma xeylê dej û zehmetî ant. Ma nêwazenê reyna bi destê dewleta tirkan nê dej û zehmetî reyna bêrê cuyayîş. Heta ke destê ma ra bêro ma do xo ver bidê. Ma nêverdenê domanê qij, reyna bibi qurbanê nê zulmî."