Fîgena ke ameya îxrackerdiş: No weçînayîş seba cinîyan şans o 

2019-02-06 13:30:53


	 

	WAN - Endama SESî Fîgen Çolakogluya ke amî îxrackerdiş dîyar kerde ke hêrişê qayûm ê hemverê keda cinîyan, polîtîkayê merkezê xoser nîyo û va: "Hemverê mudirî, xebat û sazgehê cinîyan hêrişê cidî ameyî kerdene. No weçînayîş do seba cinîyan şansêke bo."

	 

	Endama SESî Fîgen Çolakogluye yew kedkarê ke bi KHKyî amî îxrackerdene ya. Fîgene 20 serran warê îstîmlakkerdişî de xebitya û serrêke û nîm amî îxrackerdiş. Fîgene bi KHK hûmara 692an amî îxrackerdiş û va ê hema têkoşînê xo dewam kena.

	 

	'Ma têkoşînê xo esas gênê'

	 

	Fîgene da zanayîş ke Wan de nêzdîyê 40 kedkarê weşîye ameyê îxrackerdiş û da zanayîş ke aye zî sey her kesê ke muxalîf ameyê vînayîş, hetê îqtîdarî ra ameyê vînayîş û hetê îqtîdarî ra ameyê cezakerdiş û va: "Ma têkoşîn esas gênê. Ma kedkarî weçînayîşê mintiqa girîng vînenê. Îqtîdar tewr zêde îfadeyê ‘îradeyê şarî' bi ca ano û sindoqan de îradeyê şar nêvîneno. No nêzdîbîyayîş nîno qebulkerdiş. No terzêke demokratîk nîyo. Ma weçînayîşê mintiqa girîng vînenê."

	 

	'Weçînayîş seba hêzê cinîyan bêro vînayîş şans o'

	 

	Fîgene dewamê qiseykerdişê xo de da zanayîş ke vera cinîyê ke serê linganê xo de vindenê, tewr zêde hêriş ameyê kerdiş û wina va: "Sîstem kewto nêzdîyêke ke keda cinîyan eciqnenê, cinîyan hedef gênê. Qayûmê ke tayînê şaredarîyan bîyê zî vernê de hêrişê destkewtişê cinîyan kerdê. Keda cinîya çin kerdê. Coka no weçînayîş, seba hêzê cinîyan bêro vînayîş şansêke pîl o. Ganî şar wayîrê îradeyê xo vejîyo."