Sûka tarîxî ya Cizîrî eleqe nêvînena 

2019-02-05 13:47:41


	 

	ŞIRNEX - Sûka Kehn ê tarîxî ya Cizîrî vera krîzî xo ver dana û hûmarêke tay ê bazirganê cinî zî ameyê sewîyeya ke dikanê xo bigîrê. Gulîzar Olmeze dîyar kerde ke ê wazenê nê prosesî derbaz bikerê û bendeyê piştdayîşî yê.

	 

	Sûka Kehn ê Cizîrî Şirnexî seba krîzê ekonomî rojê zehmet cuyena. Sûka ke bi desan dikanî ci de estê, serrê peyîn de xeylê bêveng a. Goreyê verê muşterîyê sûke zî kêm bîyê û bazirganê ke karê înan nêbeno zî mecbur mendê ke dikanê xo bigîrê. Sûka ke bi seyan bazirgan tede kar kenê, reyan heta peynîye rojî çîyêke nêroşenê û tewr zêde cinî na rewşe ra tesîr benê.

	 

	'Ma ameyî sewîyeya padayîşî'

	 

	Gulîzar Olmeza ke yew bazirganê cinîya ê sûke ya  bi 4 serrî yo dikanê cil û belgan dana xebitnayîş. Gulîzare dîyar kena ke bi di serrî yo karê înan kêm beno û wina va: "Serê siba ra tîya de ya, la ma hema çîyêke nêroto. Sey bazirganêke cinî meşnayîşê nê prosesî zehmet o. Ez êdî fikrîyena ke dikan bigîrî. Welatî seba krîzî nêeşeknê çîyêke bigîrê. Sey verê nê. Rewşa bazirganan zaf zehmet o. Seba ma cinîyan tewr zehmet o.

	 

	'Sey verê eleqe nêvînena'

	 

	Gulîzare dewamê qiseykerdişê xo de da zanayîş ke sûke pêwa ke tarîxî ya, sey verê eleqe nêvînena û xeylê kesî seba ke betal ê, nêeşkenê çîyêke bigîrê. Gulîzare va ke ganî nê prosesî de tewr zêde zirar kenê û va ê heme cinîyan ra piştdayîş pawenê.