'Leyla Guvene îradeyê bi mîlyonan a' 

2019-02-05 13:30:47


	 

	Sorgul Şêxo

	 

	HESEKÊ - Endama Îdarekera Kongreya Starî Gulîxan Tahire derheqê çalakîya grevê vêşanîye Leyla Guvene de va: "Leyla Guvene rûmet û îradeyê ma ya. Eke çîyêke bi aye bibo, berpirsîyarê nê çî dewleta tirkan a."

	 

	Parlamentera HDPî ya Colemêrgî û Hemsereka KCDî Leyla Guvene seba tecrîdo girankerde Rayberê PKKî Abdullah Ocalanî ser peynî bibo, dest bi grevê vêşanî kerdebî. Çalakîya grevê vêşanîye ya Leyla Guvene kewte roja 90an. Çalakîyê seba piştdayîşî her ke şinê tewr zêde benê.

	 

	Derheqê babete de Endama Îdarekera Kongreya Star Gulîxan Tahire wina va: "Dewleta tirkan îradeyê û azadîya şarê Kurd her wext hedef gêna. Leyla Guvene vera nê çalakîya grevê vêşanî dest pêkerde. Na çalakîyêke bi rûmet a. Ma do heta peyîn piştdayîş bidê na çalakî."

	 

	'Waştişê Leylaye waştişê heme Kurdistanî yo'

	 

	Gulîxane va: "Tarîx de bi seyan cinîyan vera faşîzmî xo ver dayî û hema zî xo ver danê. Vera koletî sere nêtewênayê û nêtewênenê. Cinîyê sey  Leyla Qasim, Viyan Soran, Sakîne Cansiz, Nefer Tîtî qet sere nêtewenayê. Yew nê cinîyan ra zî Leyla Guven a. Waştişê Leylaye waştişê heme Kurdistanî yo. Ma do heta peynî piştdayîş bidê çalakîyê grevê vêşanî."

	 

	'Leyla Guvene îradeyê bi mîlyonan a'

	 

	Gulîxane tewr peyîn wina va: "Leyla Guvene rûmet û îradeyê ma ya. Eke çîyêke bi aye bibo, berpirsîyarê nê çî dewleta tirkan a. Dewleta tirkan îradeyê û azadîya şarê Kurdî her wext hedef gêna.  Leyla Guvene vera nê çalakîya grevê vêşanî dest pêkerde. Na çalakîy ake bi rûmet a. Ma do heta peynî piştdayîş bidê na çalakî."