Cinîyê Kampa Rojhelatê Minbicî: Vengê ma bieşnawê! 

2019-02-05 13:01:03


	 

	Sîbîliya El-Ibrahîm

	 

	MINBIC -  Cinîyê Kampa Rojhelatê Dewa El-Exderê Minbicî de manenê zor û zehmetîyê ke ancenê wina vanê: "Kampa Rojhelatî seba ke zimistan o, şert û mercê tîya tewr zêde zehmet bîyê. Vengê ma bieşnawê. Wa herkes destê xo bidê serê wicdanê xo. Wa rêxistinê heqê merdiman hîsgêr têbigeyrê."

	 

	Zehmetîyê koçberê Kampa Rojhelatê Dewa El-Exderê Minbicî mewsîmê zimistan û hamnanî tewr zêde benê. Koçberê ke Kampa Rojhelat manenê vengdayîş kenê û anê ziwan ke çadirê ke seba înan çadirê ke ameyê ronayîş, înan germbîyayîşê hamnanî û serdê zimistanî nêpawenê. Heto bîn ra koçberê ke kampe de manenê nêrazîbîyayîşê xo yê vera rêxistinê heqê merdiman zî ardî ziwan û vanê ke wezîfeyê xo bi ca nêanê û bêveng manenê. Cinîyê ke kampe de manenê anê ziwan ke tewr zêde cinî û domanî zehmetî ancenê.

	 

	'Bi serran o ez dejê kezebe ancena'

	 

	Cinîya bi nameyê Aîyşa El-Mesûda ke Bajarê Dêrazorî r aya wina va: "Seba hêrişê DAÎŞî yê serê Dêra Zorî de hîrê domanê mi cuya xo vindî kerdî. Bi serran o ez dejê kezeba xo ancena. Dima ra mi verê xo de Reqa. La DAÎŞî seba ke hêrişê uca zî kerd, ma Kampa Rojhelat de bi ca bî. Mêrdeyê mi 80 serrî yo û nêweş o. Ganî bêro emalîyatkerdiş la îmkanê çin ê. Coka zaf dej anceno."

	 

	'Rêxistinê heqê merdiman çimê xo padayê'

	 

	Heto bîn ra cinîya bi nameyê Sefa El-Selûme dîyar kerde ke ê mîyanê rewşêke zehmet de cuyenê û rêxistinê heqê merdiman çimê xo padayê û va: "Ganî kêna mi zî bêro emelîyatkerdiş û lajê mi zî nêweşê qelbî yo. Ez nêeşkena înan derman bikerî. Seba ke zimistan o, serd zêde yo. Coka varan keweno mîyanê çadiranê ma. Rêxistinê heqê merdiman çimê xo girewtê."

	 

	'Kes vengê ma nêeşnaweno'

	 

	Şîraz El-Elî da zanayîş ke ganî heme kes destê xo bidê serê wicdanê xo û wina va: "Seba serdê zimistanî ma zaf zehmetî ancenê. La kes vengê ma nêeşnaweno. Ma veng danê heme kesan ke vengê ma bieşnawê."

	 

	'Vengê ma bieşnawê' 

	 

	Tewr peyîn Şewqa El-Ilêwîya Dêr El-Hafirî girêdayê dewa bajarê Helebî ra ya wina va: "Rewşa ma ya ekonomîye zaf xirab a. Ma xeylê lazimîyê xo nêeşkenê bi ca bîyarê. Kampa Rojhelatî de seba ke zimistan o şert û mercê tîya tewr zehmet benê. Vengê ma bieşnawê. Wa herkes destê xo bido serê wicdanî xo. Wa rêxistinê heqê merdiman hîsgêr têbigeyrê."