Parlamenteranê HDP’yî dest bi nobete kerdî

2019-01-31 14:13:27


	 

	AMED - Parlamenteranê HDP’yî bi waştişê wedartişê tecrîdê serê Rayberê PKKî Abdullah Ocalanî dest bi nobete kerdî.

	 

	Parlamenteranê HDP’yî banê KDC’yî de semedê paştîdayîşê grevê vêşanîye yo ke semedê wedartişê tecrîdê serê Ocalanî yeno viraştene, dest bi çalkîya  nobete kerdî.

	 

	Çalakî do her roje bi di parlamenteran bêro domnayîş

	 

	Çalakîya ke her roje do bi di parlamenteran bêro domnayene hetê parlamenteranê HDP’yî Dersim Dage, Salîha Aydenîze, Semra Guzele, Ridvan Turan, Musa  Farîsogullari û Tulay Hatîmogullari û namzedê hemşaredarîye yê Bajarê Girdî yê Amedî Selçuk Mizrakli ra ameye destpêkerdene.

	 

	'Seba Leyla Guvene çalakîya piştdayîşî'

	 

	Dersim Dage  da zanayene ke ê semedê paştîdayîşê grevê vêşanîye yo ke rayberîya Guvene de ameyo destpêkerdene, nobete tepişenê.

	 

	'Ganî tecrîd bêro wedartene'

	 

	Tulay Hatimogullari zî Leylaye sey îradeyê şarê Kurdî name kerd û vat ke Leylaye semedê wedartişê tecrîdê serê Birêz Ocalanî dest bi çalakîye kerde. Leylaye  biheq a û ganî tecrîd bêro wedartene.

	 

	'Ganî her kes vera naye bivejîyo'

	 

	Ridvan Turanî zî  balê ante muhîmîya girevê vêşanîye ser û vat ke tecrîdo ke Birêz Ocalanî rê yeno bicaardene, heme vengan bînan ê ke hetê îqtîdarî de nêyê rê yeno bicaardene. Coka ganî her kes vera naye bivejîyo.

	 

	Ridvanî va: Veng da hukmatî ke tecrîd wedaro û va: ‘‘Waştişê Leylaye waştişê ma yo, ganî tecrîd bêro wedartene.  Semedê wedartişê tecrîdî do çalakîyê ma dewam bikerê. Eşkerayî ra dima çalakîya nobete ameye destpêkerdene.