
Keyeyê Leyla Guvene girîya abluqa 

2019-01-30 13:54:34


	&nbsp;

	AMED - HDPyijê ke ameyî verê keyeyê Hemsereka KCDyî Leyla Guvene binê abluqaya polîsan de bi çepik û tilîlîyan piştî dayî.

	&nbsp;

	HDPyijê ke ameyî verê keyeyê Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvene binê abluqaya polîsan de bi çepik û tilîlîyan piştî dayî. Leyla Guvene 8ê Teşrîna Peyêne de Zindanê Amedî de dest bi grevê vêşanîye yê bêdem û anêgêrayîşî kerdbî û çalakîya aye ewro roja 84. de dewam kena. Leylaye çalakîya xo zindan de dabî dest pêkerdiş û 25ê çele de ameybî tehlîyekerdiş. Nika zî çalakîya xo keyeyê xo de dewam kena.

	&nbsp;

	Badê ke Leyla Guvene dest bi çalakîya grevê vêşabîye kerde, awanîya HDPyî ya Amedî û Zindanê Tîpa Eyî yê Amedî bi TOMA, renger, wesayîtê zirxî û polîsan girîyayî binê abluqa. Tehlîyekerdişê Leyla Guvene ra dima zî keyeyê aye bi polîsan girîya binê abluqa.

	&nbsp;

	Bi tilîlîyan piştdayîş dayî

	&nbsp;

	Her çiqas ke abluqaya polîsan bibî zî parlamentera HDPyî Remzîye Tosune, Namzedê Hemşaredarîye yê qezaya Peyasî ya Amedî û rayîrberê HDPyî yê Amedî virzêr ameyî verê keyeyê Leyla Guvene. Koma ke ameye verê şibaka odeya Leyla Guvene bi çepik û tilîlîyan piştî da Leylaye.

	&nbsp;

	Koma HDPyî bi silogan û tilîlîyan vila bî.&nbsp;