
Krîzê ekonomî cinîyan hîna feqîr kerd 

2019-01-27 13:24:19


	&nbsp;

	WAN - Basra Abîya ke keye de bi viraştişê berardişê destan debara xo kena, dîyar kena ke seba krîzê ekonomî êdî nêeşkenê sey verê qezenc bikerê û va ke krîzê tewr zêde cinîyan feqîr kerd.

	&nbsp;

	Wan de xeylê cinî bi berardişê ke bi destê xo viraznenê, debara xo kena û nika zî seba krîzê ekonomî cuya înan hîna zehmet bîya. Basra Abîya ke taxa Hîsara Îpekyolê Wanî de bi 12 serrî yo bi viraştişê berardişê destan debara xo kena.

	&nbsp;

	'Ez hemverê keda xo tam nêgîna'

	&nbsp;

	Basraye da zanayîş ke seba krîzê ekonomî êdî nêeşkenê kar bikerê û wina va: "Verê zî serê siba heta şan de xebityena ke berardişê seba cêz biresnî. Mi kedêke pîl dayne. La mi hemverê keda xo nêgirewtêne. Verê krîzî mi heme zimistanî bi pereyê lîf û nexşê ke viraştêne domanê xo eşrawitêne wendegeh û debara xo kerdêne."

	&nbsp;

	'Karê esnafan zî vindert'

	&nbsp;

	Basra ke berardişê xo rotêne esnafê bazarê Rûs wina va: "Esnafan seba bazarî viraştişê mûra, derzenî û la dayne. Mi tena pereyê heqdestê xo girewtêne. Seba krîzî kar vindert. Coka karê cinîyan zî vindert. Ez aşme ra nika 20-30 berardiş roşena. Verê mi 800 TL qezenc kerdêne la nika seba ke vayê nika ez 300 TL qezenc kena. Krîz tesîr serê ma de kerd. Ganî çareserîyêke seba nê bivînê."

	&nbsp;