'Grevê vêşanî ra tersenê 

2019-01-27 13:22:31


	 

	Melîke Aydin

	 

	ÎZMÎR - Maya Aştîye Cemîle Aydina ke eştişê serê keyanê Îzmîrî de amî tepiştiş û wina va: "Dewlete tersena ke grevê vêşanî teber de veng bidê. Ganî muxalefetê Tirkîya bêveng nêmanê. Ganî seba hepsîyê ke grev de yê piştdayîş de bê."

	 

	Maya Aştîye Cemîle Aydin, Hayat Îzgî û Behiye Yalçine zî mîyan de 8 cinî û 7 camêrdî 17ê Çele de Îzmîr de eştişê serê keyan de amî tepiştiş û 21ê Çele de dimayê ke vetî dadgeh ameyî veradayîş. Cemîle Aydina 70 serrî zî îdiayê beşdarê çalakîyê seba wedartişê tecrîdê serê Rayberê PKKî Abdullah Ocalan bîya, weçînayîşê 24ê Hezîrana 2018an de 'slogan berz kerda' û ‘propanganda kerda' yena muhakemekerdiş.

	 

	'Qiseykerdişê mi suc ame hesibnayîş'

	 

	Cemîleye arde ziwan ke di dosyayê aye kerdê yew û wina va: "Ez 2016an de dewa xo de bîya. Şahidê mi estê. Ez weçînayîşê 24ê Hezîrane de zî namzeda HDPyî bîya. Coka mi qisey kerde. Îdia kerdî ke qiseykerdişê mi metnêke hetê KCKî ra ameyo nusnayene. La ez wendegehê sereyîn ra mezûn bîya. Destê mi de metnêke çin o."

	 

	'Heqdarbîyayîşê ma ra tersenê'

	 

	Cemîleye da zanayîş ke prosesê weçînayîşî de bi tepiştişan wazenê ke înan bitersnê û wina va: "Tersenê ke grevê vêşanî yê hepisxaneyan, teber de veng bidê. Weçînayîş de ganî wayîrê raya şarî bêrokerdiş. Ma 3-4 kesan dest pêkerd û ma xo resna hezaran kesî. No zî heqê ma yo."

	 

	'Ganî seba Leyla Guvene bêveng nêmanê'

	 

	Cemîleye tewr peyîn wina va: "Tirkîya de şertê cu nêmendê. Fabrîka yenê padayîş. Ciwanî betal ê. Seba pere qezenc bikerê, benê leşker ya zî polîs. Wazenê fuar biroşê. Gar verê rotî. Seba ke înan binimnê zî ma dişmin ramojnayî.  Serê muxalefetê Tirkîya de teda estê. Tirkîya serê pişta kurdan de xo payra verdena. Ganî muxalefetê Tirkîya hemverê nê nêheqîyê kurdan yenê kerdene bêveng nêmanê. Ganî vera çalakîya Leyla Guvene û hepsîyan bêveng nêmanê."