Pervîn Bûldan: Ganî ma tecrîd bişiknê 

2019-01-26 13:50:43


	 

	ENQERE - Hemsereka Pêroyî ya HDPyî Pervîn Buldane dîyar kerde ke caardişê tecrîdî Îmralî de kewto “şiklê îdarekarî" û va: "Înan bedenê xo dayo ver vêşanî, çîyê ke ma bikerê zî pîlkerdişê xoverdayîşê înan o. Ganî ma tecrîd bişiknê."

	 

	Meclîsê Cinîyan ê Partîya Demokratîke ya Şaran (HDP) bi rojevê weçînayîşê mintiqa, tecrîdkerdişê Rayberê PKKî Abdullah Ocalan û grevê vêşanî Merkezê Pêroyî yê HDPyî de kom bî.

	 

	Hemsereka Pêroyî ya HDPyî Pervîn Buldane akerdişê kombîyayîş de qisey kerde û veradayîşê  Hemsereka KCDî û Parlamentera HDPî Leyla Guvena ke 80 rojî ya grevê vêşanî de ya wina şîrove kerde: "Vizîr zindan ra vejîya huya, la keye de berma. Va 'Mi heme manewiyatê xo zîndan de verda. Hemrayîrê mi uca de mendî û ez vejîyaya. Qelb û mezgê mi zîndan de mend.' Arde ziwan ke  embazê ma mîyanê xoverdayîşêke pîl de yê. Çîyê ke kono serê milê ma, wayîrvejîyayîşê embazanê ma yo. Ganî ma verê înan de bê û vengê înan tebera vila bikerê. Karê ma yo sereyîn bi weçînayîşî dir şiktişê tecrîdî yo. Înan bedenê xo dayê verê vêşanî, çîyê ke ma zî pîlkerdişê xoverdayîşê înan o."

	 

	Pervîne da zanayîş ke waştişê înan sereyîn o yo ke tecrîdkerdişê Ocalanî bi peynî bibo û wina va: "Ma zanê ke tecrîd yeno çi mana. 20 serrî yo tecrîd dewam keno. Her çiqas dem bi dem Birêz Ocalan tecrîd wedarnayo zî la bi ameyîş û şîyayîşê heyetan dir tecrîdê Îmralî bîyo ‘şiklê îdarekarî.’ Astengkerdişê pêvînayîşê keye û avûkatan îfadeyê tecrîdo şidênaye yo. Seba wedartişê tecrîdî nika ra tepya zî ma do her warî de bîyarê ziwan. Ma do bêveng nêmanê."

	 

	Dimayê qiseykerdişî Pervîne kombîyayîş çapemenî rê girewte dewam kerde.