Leyla Guvene amî tahlîyekerdiş 

2019-01-25 13:22:14


	 

	AMED - Leyla Guvene ke 79 rojî yo vera tecrîdê Îmralî grevê vêşanî ya bêdem û bêagerayîş de bî, bi şertê ke nêvejîyo teberê welatî amî tahlîyekerdiş.

	 

	Roniştişê Dewaya Hemsereka Kongereya Komela Demokratîke (KCD) û parlamentera Partîya Demokratîke ê Şaran (HDP) Leyla Guvene ke vera tecrîdê Rayberê PKKî Abdullah Ocalanî ser 79 rojî grevê vêşanî de bî, 9in Dadgeha Cezaya Giran ya Amedî de ame vînayîş. Roniştişo ke ame kerdene de Leyla û avûkatê xo beşdar nêbî.

	 

	Dadgehe îdiayê derheqê babete de ewnîyeyîşê xo eşkera kerde û waşte ke rewşa tepiştişê Leylaye dewam bikero.

	 

	Dimayê mabêneke kilm de dadgehe qerarê xo eşkera kerde: Dadgehe bi şertê ke Leyla nêvejîyo teberê welatî qerar da ke bêra tahlîyekerdene.