'Meymanxaneyo ke çin o de weçînitox ameyî qeydkerdene' 

2019-01-24 14:08:04


	 

	ŞIRNEX - Weçînayîşê mintiqa rê wextêke kilm mend û çîyê ciya vejîyenê meydan. Şirnex de îtîrazê bi hezaran weçînitoxan ame kerdene û vejîya meydan ke bajarokê Başverîmlî ‘meymanxaneyê ke çin o 530 weçînitoxî ameyî ramojnayîş û îtîrazê seba nê ameybî kerdene zî hetê heyetê weçînayîşî ê qeza ra ame redekerdene.

	 

	Weçînayîşê mintiqa rê demêke kilm mend û lîsteyê weçînayîşî zî ameyî daliqnayîş. Şirnex de bi hezaran ‘weçinitoxê xeyalî’ vejîyayî meydan. Îtîrazê seba nê ameyî kerdene zî ameyî redkerdiş.

	 

	Meymanxaneyo xeyalî!

	 

	Sîlopî de zî xeylê îtîrazî ameyî kerdene, ameyî redkerdene. Bajarokê Başverîmlî de vejîya meydan ke ‘meymanxaneyêke xeyalî çin o' 503 kes ameyê qeydkerdene. HDPyî derheqê babete de îtîraz kerd û nameyê leşkerê ke adres dayî Heyetê Weçînayîşî ê qeza. Dimayê îtîrazê HDPyî dîyar kerd ke do bi waştişêke newe muracatê Heyetê Weçînayîşê ê Qeza bikerê.

	 

	Îtîrazê weçînayîşê ê bajarokî wina yê:

	 

	*Şirnex de seba 3 hezar û 580 weçînitoxan ame îtîrazkerdene. Înan ra tena qeydê 238 kesan ame betalkerdiş.

	 

	*Bajaroka Kasrîkî de zî îtîrazê 11 weçînitoxan ame kerdene.

	 

	*Qilaban de zî seba betalkerdişê qeydê hezar kesî ra zêde muracat ame kerdene. Înan ra qeyda 81 kesan ame betalkerdene.

	 

	*Sêgirtkî yê Qilabanî de qeydê 139 kesê ke ameybî barkerdene, ame vindernayîş.

	 

	*Bajarokê Hîlal ê Qilabanî ke qeydê 205 weçînitoxan ke amebîi kerdene de ê 69 kesan ame qebulkerdene.

	 

	*Elkê de zî seba 927 weçînitoxan îtîraz ame kerdene. Serekîya heyetê weçînayîşî ê qeza va 179 kesan adres vurnayo û qerarê betalkerdişê qeydê 121 kesan da.

	 

	*Deşta Darî ya Hezexî seba 72 kesan îtîraz ame kerdene û ê 12 kesan ame qebulkerdene.

	 

	*Basan de zî îtîrazê 638 weçînitoxan ame kerdene la ê 15 kesan ame vindernayîş.

	 

	*Bajarokê Gorumlu de zî 212 ci ra leşker bî îtîrazê 277 kesî ame kerdene. Înan ra qeydê 37 kesan ame vindernayîş.

	 

	*Bajarokê Başverîmlî yê Sîlopî de zî îtîrazê qeydê 778 kesan ame kerdiş û înan ra zî qeydê 33 kesan ame betalkerdene.