
'Yê ke têkoşînê demokrasî dayê ça de yê?' 

2019-01-22 13:42:21


	&nbsp;

	ÎZMÎR - Cinîyê Îzmîrî dîyar kerdî ke ganî tewr zêde wayîrê çalakîya grevê vêşanî ya Leyla Guvene û hepsîyan vejîyê û wina vatî: "Tecrîd, kurd, tirk û lazan yewbînan ra cîya nêkeno. Her kesî ser vila beno. Yê ke seba demokrasî têkoşîn kenê, wexto ke babete bena kurd bêveng manenê û piştdayîş danê polîtîkayê îmhakerdene. La eke ma pîya têkoşîn bikerê, ma do serkewte bibê."

	&nbsp;

	Çalakîya grevê vêşanî ya bêdem û bêagerayîşê hemsereka KCDî û parlamentera HDPî ya Colemêrgî Leyla Guvene û 239 hepsîyan seba wedartişê tecrîdê Rayberê PKKî ser dabî destpêkerdiş dewam kenê. Cinîyan da zanayîş ke &nbsp;heta tecrîd nêwedaryo do problemê Tirkîya û Rojhelato Mîyanên çareser nêbê û veng dayî ke ê wayîrê waştişê Leylaye vejîyenê.

	&nbsp;

	'Tu cayê dinya de sucêke merdimayî wina çin o'

	&nbsp;

	Cinîya bi nameyê Nurgul Beyaze arde ziwan ke Leyla Guvene seba wedartişê tecrîdî cuya daya meydan û nika cuya aye xeter de ya û wina va: "Ganî muxalefet bilezgînî bikewo tevger. Cinîyê ma xurt ê û ganî hêz bidê Leyla Guvene. Yê ke têkoşînê heqê merdiman danê, ganî piştdayîş bidê xoverdayîş. Seba Leyla Guvene bicuyo no şert o. Tu cayê dinya de sucêke wina merdimayî çin o. Ma nê caardişî şermezar kenê."

	&nbsp;

	'Tecrîd kesî yewbînan ra cîya nêkeno'

	&nbsp;

	Muzeyyen Cankule zî da zanayîş ke tecrîd tersê dewlete ramojneno û va tecrîd tesîr serê heme cu keno û wina va: "Tecrîd parçeyêke polîtîka yê înkar û îmhayî yo. Lajê mi hepisxaneyê Dîlokî de yo. Înan piştdayîş dayne grev. Tecrîd kurd, tirk û lazan yewbînan ra cîya nêkeno. Her kesî ser vila beno. La vernê de Kurdan ser vila kenê."

	&nbsp;

	Nîlgun Akdage zî da zanayîş ke ganî kesê ke teber de yê tewr zêde reaksîyon ramojnê û ganî çapemenîye tewr zêde nê dir eleqedar biba. Nîlgune eynî wextî de da zanayîş ke heme dewletê Ewropa û dinya vera nêheqî bêveng manenê.

	&nbsp;

	Emîne Kaçare zî da zanayîş ke îqtîdar û çapemenî rojeve bi babetê cîya dir meşgul kenê û wina va: "Sîstem polîtîkayê çinkerdişî meşneno. No tecrîd uca de nêmaneno. Seba tersî kesê verê ma de ca nêgîno. Yê ke serê nameyê demokrasî de têkoşîn kenê, wexto ke babete bena Kurd bêveng manenê û piştdayîş danê polîtîkayê îmhakerdişî."

	&nbsp;