'Do serewedaritişê hepisxaneyan tarîye roşn bikero' 

2019-01-21 13:38:06


	 

	AMED - Cinîyê ke seba piştdayîşê çalakîya grevê vêşanî ê Leyla Guvene beşdarê mîtingê ke Amed de ame kerdene bî, vatî: "Do serewedaritişê hepisxaneyan tarîye roşn bikero."

	 

	Parlamentera HDPyî ya Colemêrgî û Hemsereka KCDî Leyla Guvene seba tecrîdê giran ê  Rayberê PKKî Abdullah Ocalanî ser o bi peynî bibo, dest bi grevê vêşanî kerdebî. Çalakîya grevê vêşanî ya Leyla Guvene kewte roja 75an. Seba piştdayîşê çalakîya grevê vêşanî ya Leyla Guvene û hepsîyê zîndanan de yê 19ê Çele de Amed de mîting ame kerdene. Cinîyê ke beşdarê mîtingî bî vatî: "Waştişê Leyla Guvene waştişê şarê Kurdan o."

	 

	'Tecrîd sucê merdimayî yo'

	 

	Parlamentera HDPyî ya Êlihî Ayşe Acar Başarane va: "Şertê tecrîdo giran dewam keno. No sîstemê tecrîdî sînorê Îmralî derbaz keno. Tesîrê tecrîdî ê negatîf şaran ser o zî dewam keno. Dewletê dinya de seba sucê tecrîdî bêrê muhakemekerdene. Tecrîd sucê merdimayî yo. Ganî tecrîd bi lezgînî peynî bibo. Rewşa weşîya Leylaye baş nîya. Ganî herkes derheqê na babete de hîsgêr hereket biker."

	 

	'Hepsîyê zîndanan vengê şarî yê'

	 

	Meral Baltere ke Stenbol ra amî û beşdarê mîtingî bî û wina va: "Seba ez bibî vengê hepsîyan ez Stenbol ra ameya. Hepsîyê zîndanan de yê vengê şarî yê. Ganî ma zî bibê vengê înan. Do serewedartişê zîndanan tarîye roşn bikero. Waştişê Leyla Guvene waştişê şarê Kurdan o."