Endamê Asayîşê Cinîyanê Kobanî: Ma do asayîşê xo bipawê 

2019-01-21 12:20:50


	 

	Îlham Eloso

	 

	KOBANÊ - Endamê Asayîşê Cinîyanê Kobanî derheqê asayîşê bajarî de qalî kerdî û wina vatî: "Cinî wayîrê hêz û bawerîyêke pîl de yê. Cinî do bi hêz û îradeyê xo bajarê xo bipawê. Ma do her wext asayîşê xo bipawê."

	 

	Endamê Asayîşê Cinîyanê Kobanî derheqê asayîşê bajarê Kobanî de dîyar kerdî ke vera heme tehdîdan ê bajarê xo pawenê û wina vatî: "Kesêke nêeşkeno bi asanî hizurê şarî biqedêno. Ma do hem hizur û hem zî asayîşê bajarî û şarî bipawê."

	 

	'Seba pawitişî çi lazim bo ma do bikerê'

	 

	Zîlan Omere va: "Cinî warê pawitişî de wayîrê cayêke taybet de yê. Her roj beşdarbîyayîşê cinîyan ê seba pawitişê bajêr zêde beno. Seba pawitişî çi lazim bo ma do bikerê. Ma do her wext seba hizurê şarî xebate bikerê."

	 

	'Ma cinî wayîrê îrade yê'

	 

	Zêneb Mustefa wina va: "Ma cinî wayîrê îrade yê. Ma komelê xo bi îradeyê xo xurt pawenê. Ma her wext mîyanê tevgerêke xurt de yê. Cinîyê ke çeteyê DAÎŞî ra ameyê xelisnayîş zî nika seba pawitişê herre û şarî xebate kenê."

	 

	'Ma tu hêriş ra nêtersenê'

	 

	Mîdiya Laloye zî wina va: "Ma qet tu hêrişan ra nêtersenê. Pawitişê şar û welat seba ma zaf girîng o. Cinî wayîr hêz û bawerîyêke pîl de yê. Cinî do bi hêz û îradeyê xo bajarê xo bipawê. Ma do her wext asayîşê xo bipawê. Kesêke nêeşkeno bi asanî hizurê şarî xira bikero. Ma do her wext hizur û asayîşê bajar û şarî bipawê."