Tewr baş cinî tecrîd fam kenê? 

2019-01-20 13:58:43


	 

	WAN - Aktîvîsta TJAyî Ayşe Gokkanecinîyê ke tarîx de hetê zîhnîyetê nêrî ra ameyî hepskerdiş,  bi vatişê sey, ‘cîranan meewne, meşo verê keyeyî, mevejî teber, şerm o, mevîne, berê xo bigî' arde ziwan û va ke înan tecrîdê yewin cuyayê û seba nê zî tewr baş cinî tecrîdê Îmralî fam kenê. Ayşeye arde ziwan ke mîyanê her şert û mercî de têkoşînê xo dewam bikerê.

	 

	Çalakîya grevê vêşanî ya Hemsereka KCDî û Parlamentera HDPî ya Colemêrgî Leyla Guvene roja 74an de dewam kena. Roj bi roje beşdarbîyayîşê newe ya seba piştdayîşê çalakîya Leylaye virazênê.

	 

	Dimayê zêdebîyayîşê reaksîyonî, birayê Rayberê PKKî Abdullah Ocalanî, Mehmet Ocalan Îmralî pêvînayîşêke kerd û hepsî zî dîyar kerdî ke heta waştişê înan nêrê bica do çalakîya xo dewam bikerê.

	 

	'Tecrîd metodêke sîstemê faşîstan o'

	 

	Aktîvîsta Tevgerê Cinîyanê Azadan (TJA) Ayşe Gokkane da zanayîş ke grevê vêşanî nêqedîyayê û wina va: "Sîstemê dewlete bi risîyayêke pîl dewam keno. Heqê tewr sereyîn hewl yeno dayîş ke bi grevê vêşanî bêrê bidestkerdene. No zî ancax metodêke sîstemê faşîsatan o. No caardişê faşîst serê şarê Tirkîya yeno meşnayîş. Wextêke derg o ke bi Abdullah Ocalanî dir pêvînayîş nîno kerdene. Xêrê ked û têkoşînê Leyla û hepsîyan pêvînayîş ame kerdene. No zî netîceyê xoverdayîşê cinîyan de yo. Tecrîd serê cinîyan, şar, komel û bawerîyan meşnenê. Bi pêvînayîşê 15 deqeyan tecrîd nîno wedarnayîş. Ma reyke bîn zî reyna kenê bi reyke tecrîd nîno wedartiş. Azadîya cinîyan, statuyê şarê Kurd, bi wedartişê tecrîdê Birêz Ocalanî ser o mimkun o."

	 

	Ayşeye tewr peyîn wina va: "Cinî tarîx de hetê zîhnîyetê camêrdan ra ameyî hepskerdiş, bi vatişê ‘meewne cîranan ra, meşo verê keyeyî, mevejî teber, şerm o, mevîne, berê xo bigî' arde ziwan û va ke înan tecrîdê yewin cuyayê û seba nê zî tewr baş cinî tecrîdê Îmralî fam kenê. Ayşeye arde ziwan ke mîyanê her şert û mercî de têkoşînê xo do dewam bikerê.