'Projeyê ma yo tewr pîl eşrawitişê qayûman o' 

2019-01-20 13:08:12


	 

	 

	WAN - Namzeda Hemşaredarîya Payîzava yê Wanî Rojbîn Akdage dîyar kerde ke netîceyê konseptê şerî yê serrê 90an de kewt dewre mecbur mendê koç bikerê û dîyar kerde ke beşdarbîyayîşê xebatê sîyasî seba aye zaf girîng bîyo û va: "Xeylê karê ma ke bikerê estê. Projeyê ma tewr pîl eşrawitişê qayûman o."

	 

	Weçînayîşê mintiqa ke do 31ê Adare de bêro kerdene wextêke tay mend. Hedefê namzedê HDPyijan o yo ke qayûman bieşrawê. Namzedê HDPî yê Payîzava yê Wanî Rojbîn Akdag û Kemal Guler o.

	 

	Rojbîne dewa Dîmê Payîzava de amî dinya û serrê 90an de seba tedayê qorîcîyan veşnayîşê dewan mecbur mendî koç bikerê. Keyeyê Rojbîne taxa Sixkê yê Wanî de bi ca bî. Rojbîna ke dimayê koçberî kewte mîyanê cigêrayîş, beşdarê xebatanê sîyasî yê partîya DTPyî bî. Rojbîne wina va: "Keyeyê mi mexdurê koçberî yê. Ma heme heywan û herra xo verdayî û ma taxêke newe de bî ca bî. Ma demêke zehmet derbaz kerd. Seba ke ma qorîcîtî qebul nêkerd dewe amî veşnayîş. Ez dima ra beşdarê xebatê cinîyan ê Şaredarîya Sixkê bîya. 7 serran mi mîyanê xebatê cinîyan de ca girewt. Ez mîyanê xebatê Koperatîfê Cinîyan ê KOOP-BÎKADî menda. Nika zî HDP de namzeda Payîzva ya."

	 

	'Dimayê qayûmî xeylê karê ma esto'

	 

	Rojbîne dewam de arde ziwan ke her wext sîyaset de bi hewayêke çalak ca girewta û yewin rey sey temsîlkar şina qeza û wina va: "Qeza de ez namzed a, şaredarî verê destê DBPî de bî. La qayûman şaredarîyan xesp kerdî. Embazê ma kedêke pîl dayî la dimayê qayûman înan eşrawitî keyeyê înan. Xeylê karê ma yo ke ma bikerê esto."

	 

	Rojbîne qiseykerdişê xo wina qedêna: "HDPyî heqê meşnayîşê sîyasetî yê çalak dayo cinîyan. Mi zaf xebate meşna. La ti war bi qasê warê cinîyan zehmet nîyo. Naskerdişê sîyasetê Kurdan seba mi zaf girîng bi. Ez mîyanê cigêrayîşêke pîl de bîya. Hema zî wina ya. Ma pîya xurt ê. Ez veng dana cinîyan, ganî cinî dorê sîyasetê HDPyî de seba xelisnayîşê xo bibê xelek. Projeyê ma yo tewr pîl o yo ke qayûman herre xo ra vejê."