Cinîyê Botanijî: Leyla ma rê xoverdayîş musna 

2019-01-19 13:43:54


	 

	ŞIRNEX - Hemsereka KCDî  parlamentera DHPî ya Colemêrgî Leyla Guvene bi amancê wedartişê tecrîdî 73 rojî yo grev de ya, her ca de piştdayîş vînena û cinîyê Botanî zî piştdayîş dayî û vatî: "Embaza Leylaye 73 rojî yo seba ma xo ver danê. Leyla bi nameyê xo hêz dana ma hemine."

	 

	Hemsereka Kongreya Komelê Demokratîk (KCD) û parlamentera Partîya Demokratîkê Şaran ( HDP) ya Colemêrgî Leyla Guvene bi amancê wedartişê tecrîdê Rayberê PKKî Abdullah Ocalanî ser o dest bi grevê vêşanî ê bêdem û bêagerayîş kerde û çalakîya aye kewte roja 73ine. Rewşa Leyla Guvene ameya sewîyeya krîtîk û bêvengîyê hukmatî ê verê xoverdayîşî dewam keno. Cinîyê Botanî reaksîyon vera bêvengî dayî.

	 

	Cinîyan derheqê çalakîya Leyla Guvene û hepsîyê bînan de wina vatî:

	 

	Yildiz Elçîoglu: Ma silam heme hepsî û Leyla Guvene rê eşrawenê. Vatiş êdî bêmanayo. Ma çi vajê veng o. Heme waştiş û derdê şarê Kurd nika serê milanê înan de yo. Wa tecrîd rê lanet bo. Tecrîd sûcê merdimayî yo. Ganî her kes reaksîyon vera nê bido. Ganî her kes çîyê ke qewêminê bivînê.

	 

	'Leyla Guvene 73 rojan seba ma xo ver dana'

	 

	Muzeyyen Înane: Ez tecrîd lanet kena. Ez polîtîkayê serê hepsîyan lanet kena. Xoverdayîşê înan pîroz kena. Înan silam kena. Ez serê heme nameyê cinîyanê Botanî ez veng dana heme kesan wa veng bidê nê xoverdayîşî û ma pîya tecrîd bişiknê. Ma cinîyê Botanî heme Leylayê û ma vengê aye yê.

	 

	Elîf Akil: Ganî ma tecrîdê Rayberê şarê Kurdî  Abdullah Ocalanî ser o bişiknê û bibê vengê Leyla Guvene. Ganî cinîyê ciwan bibê vengê înan. Ez dewleta Tirkî şermezar kena. Ma wazenê bibê vengê înan. Seba Leyla Guvene ma wazenê heta peynî vengê vejê.

	 

	Emîne Çelebî: Leyla Guvene êdî nêeşkena awe zî bişimno. Ez xoverdayîşê înan silam kena. Ma cinîyê Kurd heta peyîn înan dir ê. Botan het apeynî waştişê înan biqîrê. Veng û nameyê Leyla Guvene hêzêke pîl dano ma. Ma do heta pey çalakîya înan rê piştdayîş bidê. Ez înan hemine silam kena."