Sabîha Temîzkane: Seba maya mi êdî saetî zî girîng ê 

2019-01-16 15:12:00


	 

	AMED - Çalakîya grevê vêşanî ya Leyla Guvene ê bêdor û bêagerayîş roja 70in de ya. Kênaya Leylaye, Sabîha Temîzkane dîyar kerde ke rewşa weşîya maya aye kewta sewîyeyêka krîtîk û wina veng da: "Seba maya mi êdî girîngîyê saetan zî esto. Verê ke bibo erey ganî ma veng bidê vengê aye."

	 

	Hemsereka KCDî û Parlamentera HDPî ya Colemêrgî Leyla Guvene seba wedartişê tecrîdkerdişê Rayberê PKKî Abdullah Ocalan 70 rojî yo Hepisxaneyê Tîpê E yê Amedî de çalakîya grevê vêşanî yê bêdor û bêagerayîş de ya. Dimayê çalakîya Leylaye, desan hepisxaneyan de bi seyan hepsîyê bîn zî dest bi eynî çalakî kerdî û dewam kenê.

	 

	Weşîya aye xeter de ya

	 

	Leylaya ke 70 rojî grevê vêşanî de ya seba nêweşîya aye “Hîpofîz Adenomu” esta û ganî dermanan bi xebit na, la seba ke pîzeyê aye pirr nîyo nêeşkena dermanan bi xebit na. Yeno dîyarkerdene ke seba Leylaye nêeşkena nê dermanan bixebitna, xetereyê aye cuye zêde bena û beno ke biba sebebê xetereyê nêweşîya mende.  Verê nêweşîya Leylaye problemê aye bêhalî, bêhewn û dejê made zî cuyena.

	 

	Leylaye seba ke rewşa aye kewta sewîyeya krîtîk zêde nêeşkena vejîya pêvînayîşê bi avûkatan zî.

	 

	Çalakîya xo de bi qerar a 

	 

	Leylaye çalakîya xo bi qerar a û heta nika hetê hukmatî ra gamêke zî nêameya eştiş. Her çiqas 12ê Çele de Mehmet Ocalan şi bi Îmralî û Ocalanî dir pêvînayîş kerdib zî la Leyla Guvene mesajêke eşrawite û dîyar kerde ke heta tecrîd nêwedaryo do çalakîya xo dewam bikero.

	 

	'Mi maya xo baş nêdî'

	 

	Kênaya Leylaye, Sabîha Temîzkane bi maya xo dir hepisxane û bi rayîrê telefonî pêvînayîş kena. Sabîhaye va ke seba rewşa weşîya maya aye kewta sewîyeyêka krîtîk ê bi endîşeyîn ê û wina va: "Pêvînayîşê peyîn de mi aye qet baş nêdî. Xêrcê êimê aye roşn ci ra varenê, çîyêke mi rehet bikero çin o. Wexto ke mi dir qisey kerdêne, tewr ais bî. Xora bi hetkarîya embazanê xo rayîra şêna. Seba ke ez xemgîn nêbî her wext xo bi hêz ramojnena. La taqetê aye êdî nê zî bikero çin o."

	 

	'Rewşa maya mi krîtîk o'

	 

	Sabîhaye da zanayîş ke maya aye êdî nêeşkena awe bişimna û wina veng da: "Rewşa aye zaf krîtîk o. Seba maya mi êdî saete zî girîng ê. Keremê xo ra wa her kes vengê xo berz bikero. Maya mi bi hawayêke bêhuqûq tepişnaye ya. Aye bi îradeyê şarî ameya weçînayîş û parlamenterêke ya. Seba aştî bi bedenê xo xo ver dana. Seba ke erey nêbo ma vengê xo bidê vengê aye."