Der barê pençeşêra pêsîrê de agahî dan jinan 

2024-10-15 13:38:06


	 

	 

	AMED - Di atolyeya tenduristiyê ya ku ji aliyê Şaredariya Bajarê Mezin a Amedê ve hat lidarxistin de, jin der barê nîşan û rêbazên tedawiya penceşêra memikan de hatin agahdarkirin.

	 

	Serokatiya Daîreya Xizmetên Jin û Malbatê bi boneya "Meha Hişmendiya Penceşêra Memikan" li Navenda Jiyana Jinan a li Taxa Lalebeyê ya navçeya Sûrê atolyeya tenduristiyê li dar xist.

	 

	Di komxebata ku jinên li Lalebeyê amade bûn de, Hemşîre Raîfe Camcî ya ji Sendîkaya Kedkarên Tenduristî û Xizmeta Civakî (SES) a Amedê, der barê nîşan, dermankirin û xwemûana pençeşêra pêsîrê de agahî da.

	 

	'Destpêkirin û dermankirina zû girîng e'

	 

	Raîfe diyar kir ku ji her 12 jinan yek bi pençeşêra pêsîrê dikeve û bal kişand ser girîngiya teşhîskirin û dermankirina zû. Raîfe, anî ziman ku teşhîsa zû ya pençeşêra pêsîrê jî di encama xwemayenekirinê de pêkan e û wiha got: “Nîşaneya herî girîng a pençeşêra pêsîrê girseyên li derdora sîng an jî di bin çengê de ye. Ev werimandin an girse di hin rewşan de bi êş û di hin rewşan de bê êş in. Divê ev nîşaneya hevpar li ber çavan were girtin." 

	 

	Demjimêra muayeneyan

	 

	Raîfe da zanîn ku muayeneyên pençeşêra pêsîrê ji bo jinên ji 40 salî mezintir bi ultrasonografiya pêsîrê û mamografiyê têne kirin û wiha got: “Tê pêşniyar kirin ku di navbera 40 û 50 salî de 2 salan carekê, ji bo kesên ji 40 salî mezintir jî her sal mamografiyê bê kirin. temenê 50 salî."

	 

	Raîfe ji bo kêmkirina metirsiya pençeşêra pêsîrê şîretan kir û bal kişand ser girîngiya bidestxistina adetên xwarina bi tendurist, di serî de sebze û fêkî, domandina giraniya tendurist û çalakiya laşî.