
Serpîl Kemalbay: Hewcedarî bi têkoşînek xurt heye 

2018-06-27 09:06:14


	&nbsp;

	ÎZMÎR - Serpîl Kemalbay destnîşan kir ku yekem partiya ku li meclîsê temsiliyeta jinê bi asta bilind bi dest xistiye HDP ye û wiha dirêjî da axaftina xwe: “Krîza demokrasiyê ku gelek darbe xwariye didome. &nbsp;Em ê bi jinên partiyên din re bibin hevpvar û em ê vê bigirin dest. Êdî li qadan hewcedarî bi hewldanek xurt heye.”

	&nbsp;

	Parlamentera HDP’ê ya Îzmîrê Serpîl Kemal ku di hilbijartinên 24’ê Hezîranê de hat hilbijartin diyar kir ku di bin OHAL’ê de HDP’ê carek din bend derbas kiriye û her wiha xistina temsiliyeta jinê ya li meclîsê jî wek windabûna demokrasiyê bi nav kir.

	&nbsp;

	‘CHP ji muxatabê xwe reviya’

	&nbsp;

	Serpîlê daxuyakirin ku bi taybet li hember hilbijêrên Kurd zext hebûn û tevî van hemûyan divê em têkoşîna demokrasî û azadiyê veguherin derfetê û em ji vir bersivekê bidin. Serpîlê got namzetê HDP’ê Selahattîn Demîrtaş kampanyaya hilbijartinê li Girtîgeha Edîrneyê meşandiye û tevî vê yekê ji partiyên din zêdetir deng sitendiye.

	&nbsp;

	‘Krîza demokrasiyê didome’

	&nbsp;

	Serpîlê wiha dirêjî da axaftina xwe: “Niha krîza demokrasiyê didome. Ji partiya me 67 parlamenter wê bikevin parlamentoyê û van hilbijartinan wê hem li parlamentoyê hem jî li qadan bimeşînin. Di van şertên dijdemokratîk de derbaskirina bendê gelek girîng e. Me ev şert û merc derbas kirin. Krîza demokrasiyê didome. CHP di demokrasiyê de ne samimî ye.”

	&nbsp;

	‘Em ê bi parlamenterên jin re hevpar bixebitin’

	&nbsp;

	Serpîlê di dawiya axaftina xwe de bi lêv kir ku HDP’ê di alî wekheviya zayenda civakî de pêngavên girîng avêtine û ev jî di pêvajoya namzetiyê de xistine meriyetê û di HDP’ê de bi rêjeyek girîng parlamenterên jin ketine meclîsê. Serpîlê got wê li meclîsê bi jinên partiyên din re bi awayekî hevpar xebatan bimeşînin.

	&nbsp;