HDP'ê li Mêrdînê buroya hilbijartinê ya yekem vekir 

2018-05-10 15:58:52


	 

	MÊRDÎN - Partiya Demokratîk a Gelan (HDP) li Mêrdînê buruya hilbijartinê ya yekem vekir. Buroya hilbijartinê li Qada Cumhuriyetê ya Şemrexê hat vekirin. Parlamenterê HDP'ê yê Mêrdînê Alî Atalan, Hevkarên HDP û DBP'ê û gelek kes beşdar bûn. 

	Berî vekirinê welatiyan tevî muzîkê lîrandin û govend gerandin. Her wiha welatiyan dirûşma "Bijî HDP" berz kirin. Hevseroka Navçeyê ya HDP'ê yê Şemrexê Husnigul Paslanmaz got bila buroya hilbijartinê li ser xêrê be. Piştî Husnigulê Hevserokê

	 

	Bajêr ê Mêrdîn û HDP'ê Alî Sîncar û Parlamenterê HDP'ê yê Mêrdîn Ali Atalan axivî.

	 

	'Em bi rihê serîhildanê amadekariya hilbijartinê bikin'

	 

	Ali anî ziman ku ew îradeya xwe teslîmî pergala faşîst nake û got:"Gelê Kurd dê bersiva herî xurt bide vê pergala faşîst. Yekî wek Selahattin Demirtaş ku aştî dixwest xistin zindanê. Divê em êdî ji vê xwîna ku diherike û ji vê zilma ku tê kirin bibêjin bisekine. Em demokrasî, wekhevî û aştiyê bînin vî welatî. HDP partiya aştî û azadiyê ye. Em ê teqez bi ser bikevin."

	 

	Piştî axaftinan buro hat vekirin.