
Leyla Bîrlîk: Efrîn pêşeroja mirovahiyê ye 

2018-03-26 09:22:30


	&nbsp;

	&nbsp;

	Rojda Aydin

	&nbsp;

	AMED - Parlamentera HDP’ê ya Şirnexê Leyla Bîrlîk di mijara Efrînê de bertek nîşanî helwesta PE, NY û NATO’yê da û tiştên li qadên rêveberiya xweser hatin jiyîn bi bîr xist. Leylayê bi lêv kir ku şîdet her diçe zêde dibe û wiha got: “Girêka esas Efrîn e. Bêdengiya Rojhiata Navîn a li hember Efrînê nîşan dide ku wê ev şer li bajar û welatên din jî dest pê bike.

	&nbsp;

	Parlamentera HDP’ê ya Şirnexê Leyla Bîrlîk &nbsp;der barê êrîşên Tirkiyeyê yên li hemberî Efrînê tên meşandin de nirxandin kir. Leylayê diyar kir ku tiştên li Sûr, Cizîr, Şirnexê hatin jiyîn îro li Efrînê tên jiyîn û got: “Hiqûq û nirxên mirovahiyê bi giştî tune hatine hesbiandin. &nbsp;Desthilatdariyê hiqûqa şer tune hesibandin û &nbsp;êrîşên li dijî sîvîl û nexweşxaneyan nayên qebûlkirin.”

	&nbsp;

	‘Duh Halepçe îro Efrîn’

	&nbsp;

	Leylayê di berdewamiyê de bi lêv kir ku di salvegera komkujiya Halepçeyê de li kolanên Efrînê sîvîl hatine qetilkirin û wiha dirêjî da axaftina xwe: “Ev hem di alî ahlaqî û hem jî di alî mirovahî de rewşek mirov divê jê şerm bike ye. Ev dîmen di alî Kurdan de gelek bi êşin. Di heman demê de dibe sedema hêrsê.”

	&nbsp;

	‘Peymanên navnetewî û berpirsyarî hene’

	&nbsp;

	Leylayê destnîşan kir ku şer ne tenê şerê Efrînê ye û ev êrîş &nbsp;şerê d inav welatên cîhanê, hêzên emperyalîst û netew dewletan de şênber dike û got: “Li Efrînê paradîgmaya netewa demokratîk ket jiyanê û di heman demê de navçeyeke ku gelên ji çeteyan revya bûn û lê bicih bibûn bû. &nbsp;Mîlyonek kesî koçî wir kiribû. &nbsp;Li dijî navçeyek wisa şerekî mezin hat meşandin. Sedema bêdengiya li dijî êrîşan eve ku her kes li pey berjewendiyê xwe ne. Di vir de berpirsyarî û peymanên navneteweyî yên cur bi cur yên NY, NATO û PE’yê &nbsp;bi Tirkiyeyê re hene.Ev bêdengiya Ewropayê rizandina ahlaqî nîşan dide.”

	&nbsp;

	‘Li pêş komkujiyan nesekinîn bêahlaqî ye’

	&nbsp;

	Leylayê helwesta DMME’ê ya di dema komkujiyên Cizîr û Şirnexê de bibîr xist û got: “Wê demê me bang li saziyên cuda kirin ku bikevin tevgerê. &nbsp;Dîmenên welatiyên di bodruman de hebûn. &nbsp;Li ber çavê hemû cîhanê ew qetilkirin. &nbsp;Niha bi heman awayî nêzî Efrînê dibin. Ji bo berjewendiyên xwe &nbsp;ji komkujiyan re nabêjin bese. Ev jî nayê qebûlkirin û bêahlaqiye. Divê tu kes li dijî vê bêahlaqiyê bêdeng nemîne.”

	&nbsp;