
Ciwan ji bo kongreya HDP’ê xwe amade dikin: Em ê bi hev re azad bibin 

2018-02-05 09:39:16


	&nbsp;

	
		Duygu Erol
	
		&nbsp;
	
		ENQERE - Endamên Meclîsa Ciwanan a HDP’ê di xebatên amadekariya 3’emîn Kongreya HDP’ê ya ku dê di 11’ê Sibatê de li Enqereyê li Salona Sporê ya Arenayê pêk bê, bi awayekî aktîf cih digirin û banga ‘HDP partiya ciwanan e. Em bende hemû ciwanane ku bi hêz, moral û enerjiya xwe tevlî bibin', kirin.
	
		&nbsp;
	
		HDP di 11’ê Sibatê de li Salona Sporê ya Arenaya Enqereyê 3’emîn kongreya xwe pêk tîne. Xebatên kongreyê didomin û tê payîn ku dê 7 hezar kes tevlî kongreyê bibin. Ji gelek bawerî û nasnameyan wê kes tevlî kongreyê bibin. Jinên ciwan ên Meclîsa Ciwanan a HDP’ê diyar kirin ku wê bi îrade, moral û hêza ciwanan tevlî kongreyê bibin.
	
		&nbsp;
	
		Ji Meclîsa Ciwanan a HDP’ê Atiye Eren diyar kir ku ew wek ciwanên Meclîsa HDP’ê di hemû qadên siyaetê de, di hemû mekanîzmayên wê de temsiliyeta ciwanan diparêzin.
	
		&nbsp;
	
		‘HDP partiya ciwana ne’
	
		&nbsp;
	
		Atiyeyê daxuyakirin ku wê di 11’ê Sibatê de di kongreyê de îdiaya ‘HDP partiya ciwanan e’ bilind bikin û got wê moral û enerjiya ciwanan xwe di kongreyê de nîşan bide.
	
		&nbsp;
	
		Yagmur Yurtsever jî destnîşan kir ku li dijî hemû polîtîkayên yek tîp yên dewlet û hikûmetê, wê wek kirdeya siyasî, ji bo reng, îradeya ciwanan tevlî qada siyasî bikin wê li kongreyê bin.
	
		&nbsp;


	&nbsp;