Di 2017'an de dewlet-mêr şîdet, jinan jî têkoşîn meşand 

2017-12-30 10:04:12


	 

	NAVENDA NÛÇEYAN - Di sala dawî de ji ber geşedanên siyasî yên li Tirkiyeyê û Kurdistanê hatin meşandin, çalakiyên jinan gelek deng da. Her wiha parlamenterên HDP'ê û cezayên li wan hatin birîn jî ji geşedanên sereke bûn. 

	 

	Jinan di geşedanên siyasî yên 2017'an de mohra xwe li dîrokê dan. Jin di referanduma guherîna destura bingehîn de daketin qadan û 'na' rêxistin kirin. parlamenteriya 4 parlamenteran hat xistin, li 5 parlamenterên jin di dozên hatin vekirin de ceza hat barandin, tevî têkoşîna jinan qanûna rayeya birîna mehrê dida meleyan ji meclîsê hat derbaskirin ji bo azadiya Rêberê PKK'ê Abdullah Ocalan kampanya hat destpêkirin û jinan seranserê salê daketin qadan û ji şîdeta mêr re gotin na.

	 

	Di 2017'an de di siyasetê de geşedanên der barê jinê de:

	 

	4'ê Çile

	 

	*Di 20'ê Tîrmeha 2016'an de OHAL cara duyem sê mehan hat dirêjkirin û di Meclîsê de hat qebûlkirin.

	 

	*Parlamentera HDP'ê ya Amedê Feleknas Uca ji bo bûyera qetilkirina endama KJA'yê û endama DBP PM Sêvê Demîr, endama KJA'yê ya girtin Fatma Uyar û hevseroka meclîsa gel Sîlopiyê Pakîse Nayir bê ronîkirin daxwaza lêkolîna meclîsê kir.

	 

	*Di 4'ê Mijdara 2016'an de parlamentera HDP'ê ya Şirnexê Leyla Bîrlîk hatibû girtin û di runiştina li 2'emîn Dadgeha Cezaya Giran a Şirnexê hat dîtin hat tahliyekirin. 

	 

	*Parlamentera CHP'ê Şenal Sarihan ji bo her cureyê şîdeta li ser jinê bê ronîkirin pêşnûmepirs da Wezareta Karê Hundir û Wezareta Polîtîkayên Civakî û Malbatî.

	 

	5'ê Çile

	 

	*Hevseroka Giştî ya DBP'ê Sebahat Tuncel ku li girtîgeha Sîlîvriyê girtîbû nameyek şand û diyar kir ku divê li dijî zîhniyeta ku Tirkiye kiriye girtîgeha vekirî têkoşîn bê dayîn.

	 

	*Jinan bi wesîleya salvegera Sêvê Demîr, Fatma Uyar û Pakîze Nayir li ser goristanê merasîma bibîranînê pêk anî.

	 

	6'ê Çile

	 

	*Di çarçoveya lêpirsîna serdozgeriya komarê ya Mêrdînê meşandiye de li şûna hevşaredarê Omeriyê Suleyman Tekîn, qeymeqam Erol Korkmaz wek qeyûm hat tayînkirin.

	 

	*Di 3'ê Çile de li Wanê bi ser şaredariya Şaxê de hat girtin û qeymeqamê naveçeyê Haci Asim Akgun wek qeyûm hat tayînkirin.

	 

	*Ji bo şaredariya Tekmanê qeymeqam Kemal Karahan wek qeyûm hat tayînkirin.

	 

	7'ê Çile

	 

	*Akademîseyen Nuriye Gulmen bi KHK'ê hat îxrackirin. 

	 

	*Nuriyeyê li ser hesabê çapemeniya civakî daxuyaniya wê têkoşînê bilind bikin da.

	 

	*Piştî OHAL hat dirêjkirin sê KHK'yên hejmar 679, 680 û 681 weşandin. 83 komele hatin girtin û 649 akademîsyen hatin îxrackirin.

	 

	*Bi wesîleya salvegera qetilkirina Sakîne Cansiz, Fîdan Dogan û Leyla Şaylemezê  li Parîsê bi pêşengiya TJK-E'ê meş pêk hat.

	 

	8'ê Çile

	 

	*Bi wesîleya salvegera qetilkirina Sakîne Cansiz, Fîdan Dogan û Leyla Şaylemezê bi pêşengiya TJA'yê li avahiya DBP'a Baglarê bernameya bibîranînê pêk hat.

	 

	9'ê Çile

	 

	*Hevşaredarên DBP'î yê Wêranşarê Emrullah Cîn û yê Bozovayê Zeynel Taş hatin girtin û piştre qeyûm hat tayînkirin.

	 

	*Ji bo Sakîne Cansizê li Dêrsîmê bernameya bibîranînê pêk hat.

	 

	*Abîdeya Roboskê ya li parka Rojava ya ji aliyê şaredariya Kayapinarê ve hatibû çêkirin ji aliyê polîsan ve hat rakirin. Piştî vê parlamenter Sîbel Yîgîtalpê pêşnûmepirs da TBMM'ê.

	 

	*Hevseroka Giştî ya berê ya HDP'ê Fîgen Yuksekdag ji girtîgeha Kandirayê di 9'ê Çile de der barê komkujiya Parîsê de peyamek şand.

	 

	10'ê Çile

	 

	*Doza der barê hevseroka giştî ya berê ya HDP'ê Fîgen Yuksekdag û 7 kesên din de ya bi îdiaya di 2012'an de di ESP'ê de faliyet meşandine doz hat vekirin û li 9'emîn dadgeha cezaya giran a Edenê hat dîtin.

	 

	10'ê Çile

	 

	*Parlamentera HDP'ê ya Colemêrgê Selma Irmak di çarçoveya lêpirsîna bi îdiaya 'heqeret li serokomar kiriye' parastina xwe da serdozgeriya komarê ya Amedê.

	 

	*Parlamentera HDP'ê ya Amedê Feleknas Uca  der barê doza Sûrê ya li 5'emîn Dadgeha Cezaya Giran a Amedê di 29'ê Kanûnê de hatibû dîtin de pêşnûmepirs da wezîrê dadê Bekîr Bozdag.

	 

	12'ê Çile

	 

	*Serdozgeriya Komarê ya Wanê der barê Hevseroka Giştî ya berê HDP'ê Fîgen Yuksekdag de  ji ber axaftinên wê yên di 11'ê Nîsana 201, 30'ê Kanûna 2015 û 5'ê  Adara 2016'an de lêpirsîna dabû destpêkirin temam kir. Îdianame ji aliyê 2'emîn Dadgeha Cezaya Giran a Wanê ve hat qebûlkirin.  dozgeriyê der barê Fîgenê de cezayê muebeta giran û 7,5 sal û nîv ceza xwest.

	 

	*Der barê parlamentera HDP'ê ya Amedê û wekîla seroka koma HDP'ê Çaglar Demîrel de ku li girtîgeha Kandirayê girtibû, ji ber axaftineke wê ya 25'ê Mijdarê Roja Têkoşîna li Dijî Şîdeta li Ser Jinê  doz vekir.  Runiştina doza wê li 2'emîn Dadgeha Cezaya Giran a Mêrdînê hat dîtin.

	 

	*Daxwaza hevdîtina Raportorên Meclîsa Parlamenterên Konseya Ewropayê (AKPM) Injebjorg Godskesen û Natasa Vusckovîc ya bi hevserokên Giştî yên berê yên HDP'ê Fîgen Yuksekdag û Selahattîn Demîrtaş re ji aliyê wezareta dadê ve hat redkirin.

	 

	*Parlamenterên jin yên HDP'ê pêşnûmeya guherina Destura Bingehîn  di hesabê 'HDP jin Persîcope ya Fermî' de weşandin û ji rejîma yek kesî re gotin 'na'.

	 

	13'ê Çile

	 

	*Hevseroka Giştî ya berê ya HDP'ê Fîgen Yuksekdag ji girtîgeha Tîpa F ya Kandirayê ji bo Meclîsên Jinên HDP'ê peyam şand.

	 

	* Parlamentera HDP'ê ya Amedê Nursel Aydogan ya girtî ji doza der barê tevlîbûna merasîma cenazê ya 2011'an û meşên tevlî bûye de 4 sal û 8 meh û 7 roj cezayê girtîgehê girt.

	 

	*Li Nisêbîn û gundê wên di saetên sibehê de serdegirtina malan pêk hat û hevşarerên Nisêbînê Sara Kaya û Cengîz Kok ji peywirê hatin girtin û tevî wan 9 kes hatin binçavkirin.

	 

	14'ê Çile

	 

	*Di xala 57'emîn a guherîna destura bingehîn de îfadeya 'qirkirinê' ya Parlamenterê HDP'ê yê Stenbolê Garo Paylan bikaraniye de pêşniyara ji girtekan derkeve hat kirin û bi dengên MHP, CHP û AKP'ê hat qebûlkirin.

	 

	*Akademîsyen Nuriye Gulmen ku hatibû îxrackirin di daxuyaniya xwe ya Şaxa Yeemîn ya Bakirkoyê ya Sendîkaya Kedkarên Buroyê de diyar kir ku dest bi greva birçîbûnê dike.

	 

	*Bi tevlîbûna hevseroka KCD'ê Leyla Guven, berdevkê HDP'ê Ayhan Bîlge û parêzerê Rêberê PKK'ê Abdullah Ocalan Nevroz Uysalê li WATSO hevdîtina gel pêk hat.

	 

	*Wekîla Koma HDP'ê Fîlîz Kerestecîoglu der barê cezayê muebetê yê der barê Fîgenê û 4 sal cezayê li Nursel Aydoganê hatiye birîn de li Melîsê axivî.

	 

	15'ê Çile

	 

	*Di pêşnûmeya guherîna Destura Bingehîn de mesayiya herî dirêj hat kirin û xalên 12,13,14,15 û 16 yên pêşnûmeyê hatin qebûlkirin.

	 

	*Hevseroka Giştî ya berê ya HDP'ê Fîgen Yuksekdag peyam şand Konferansa Hiqûqê ya Navneteweyî ya li Enqereyê pêk hat.

	 

	19'ê Çile

	 

	*Parlamentera Serbixwe ya Enqereyê Aylîn Nazliaka di hevdîtinên pênûmeya guherîna Destura Bingehîn de derket kursiyê û xwe kelepçe kir.

	 

	*Parlamenterên AKP'ê mudaxaleyên Aylîn Naliaka kirin û di aloziya derket de parlamentera HDP'ê Pervîn Buldan û parlamentera CHP'ê Şafak Pavey li erdê ketin. Aylîn jî lijneya giştî hat derxistin.

	 

	*HDP'ê gotinên ji bo jinan hatibû bi karanîn jî bi awayekî tund rexne kir.

	 

	*Parlamentera HDP'ê ya Şirnexê Leyla Bîrlîk piştî ji girtîgehê cara yekem li Lijneya giştî ya Meclîsê axivî.

	 

	20'ê Çile

	 

	*Parlamentera HDP'ê Ayşe Acara Bajaran li Enqereyê hat binçavkirin û piştî îfadê hat berdan.

	 

	*Xalên pênûmeya guherîna destura bingehîn ya 12, 13, 14, 15, 16, 17, 18 hatin qebûlkirin.

	 

	 21'ê Çile

	 

	*Lijneya Rêveberiya Navenda HDP'ê piştî pêşnûmeya guherîna destura bingehîn ji meclîsê derbas bû li navenda giştî ya HDP'ê hatin cem hev û pêvajoya referandumê û kampanya 'na' axivîn.

	 

	25'ê Çile

	 

	*Parlamentera Enqereyê Aylîn Nazliaka şîdeta li Meclîsê bir darazê. Der barê parlamenterên AKP'ê de jî serlêdana sûc kir.

	 

	4'ê Sibatê

	 

	*Partiya Çep Kesk der barê ku guherîna destura bingehîn bibe referandumê kampa da destpêkirin.

	 

	21'ê Sibatê

	 

	*Parlamenterî û hevserokatiya Fîgen Yuksekdag hat xistin.

	 

	*Piştî xistina parlamenteriya Fîgenê, parlamentera HDP'ê Sîbel Yîgîtalpê çalakiya dagirkirina kursiyê da destpêkirin.

	 

	22'ê Sibatê

	 

	*Der barê parlmantera HDP'ê ya Edenê Meral Daniş Beştaşê de îdianame hat amadekirin.

	 

	28'ê Sibatê

	 

	*Parlamentera HDP'ê Fîlîz Kerestecîoglu derbarê xistina parlamenteriya Fîgenê de pêşnûmepirs da serokatiya meclîsê.

	 

	*Hevseroka Giştî ya berê ya HDP'ê Fîgen Yuksekdag ji bo 8'ê Adarê peyam şand civîna koma HDP'ê.

	 

	1'ê Adarê

	 

	*Parlamentera  HDP'ê ya Şirnexê Aycan Îrmezê  der barê xistina parlamenteriya Fîgenê de pêşnûmepirs da Bînalî Yildirim.

	 

	7'ê Adarê

	 

	* Hevberdevka Komîsyona Girtîgehan a HDP'ê Burcu Çelîk  girevên birçîbûnê bir meclîsê û banga pewyirê li wezaret û komîsyonê kir.

	 

	14'ê Adarê

	 

	*Parlamentera Agiriyê Dîrayet Taşdemîr girtina navenda Ayşenur Zarakolu, navenda piştevaniya jinan a Sema Yuce ji Bînalî Yildirim pirsî.

	 

	15'ê Adarê

	 

	*Parlamentera Meclîsa Federal a Elmanyayê ji Meral Daniş Beştaş re name şand.

	 

	20'ê Adarê

	 

	*Parlamentera HDP'ê ya Agiriyê Dîlan Dirayet Taşdemîr hat binçavkirin û piştre hat berdan.

	 

	31'ê Adarê:

	 

	*Parlamentera CHP'ê Şenal Sarihan grevên birçîbûnê bir meclîsê.

	 

	2'ê Nîsanê

	 

	*Dîlan Dîrayet Taşdemîr di çarçoveya xebatên referandumê de hat binçavkirin û hat berdan.

	 

	*Strana HDP'ê ya referandumê 'Bêjin Na' li Wan, Şirnex, Amed û Muşê hat qedexekirin.

	 

	*Li Xîzan û Tetwanê posterên Fîgen Yuksekdag hatin rakirin.

	 

	4'ê Nîsanê

	 

	*Jinan Rojbûna Rêberê PKK'ê Abdullah Ocalan li gelek navendan pîroz kir.

	*Hevseroka KCD'ê Leyla Guven li Amarayê di bernameya bo rojbûna Abdullah Ocalan de hat binçavkirin.

	 

	5'ê Nîsanê

	 

	*Leyla Guven hat berdan.

	 

	*Fîlmê civakî ya HDP'ê yê 'Ji taritiyê berbi ronahiyê' ya di çarçoveya referandumê de amade kir li ser hesabên çapemeniya civakî hat weşandin.

	 

	*Parlamentera HDP'ê Meral Daniş Beştaş ji bo grevên birçîbûnê daxwaznamek da komîsyona lêkolînê ya mafê mirovan a TBMM'ê.

	 

	11'ê Nîsanê

	 

	*Fîgen Yuksekdag ji sûcê 'propagandaya rêxistinê' salek ceza girt.

	 

	12'ê Nîsanê

	 

	*Parlamentera Partiya Çep a Elman ji bo runiştina Fîgenê hat Elmanyayê.

	 

	13'ê Nîsanê

	 

	*Doza Fîgenê li 13'emîn Dadgeha Cezaya Giran a Enqereyê hat dîtin û Fîgen bi SEGBÎS'ê parastina xwe kir.

	 

	16'ê Nîsanê

	 

	*Li welat di referandumê de 55 mîlyon û 319 hezar û 222 kesî deng bikaranî.

	 

	19'ê Nîsanê

	 

	*Parlamentera HDP'ê ya Muşê Burcu Çelîk Ozkan hat girtin.

	 

	*OHAL cara sêyem sê mehan hat dirêjkirin.

	 

	3'ê Gulanê

	 

	*Parlamentera HDP'ê ya Sêrtê Besîme Konca ji doza xwe ya li 2'emîn Dadgeha Cezaya Giran a Êlihê tahliye bû.

	 

	*Ji bo parlamenteriya Tugba Hezer û Faysal Sariyildiz bê xistin komîsyon hat avakirin.

	 

	6'ê Gulanê

	 

	*Li şûna Fîgenê, Serpîl Kemalbay hat bicihkirin.

	 

	9'ê Gulanê

	 

	*Parlamenteriya Nursel Aydogan hat xistin.

	 

	16'ê Gulanê

	 

	*Piştî biryara girtina Besîme Konca hat girtin, di civîna Koma Jinan a Meclîsa HDP'ê de axivî. 

	 

	20'ê Gulanê

	 

	*3'emîn Kongreya Asayî ya HDP'ê li Enqereyê pêk hat.

	 

	*Hevseroka Giştî ya berê ya HDP'ê Fîgen Yuksekdag ji girtîgeha Tîpa F ya Kandirayê peyam şand kongreya partiya xwe.

	 

	*Di kongreyê de Selahattîn Demîrtaş û Serpîl Kemalbay wek hevserok hatin hilbijartin.

	 

	1'ê Hezîranê 

	 

	*Parlamentera HDP'ê ya Rihayê Dîlek Ocalan der barê karkerên jin de pêşnûme da serokê Meclîsê Îsmaîl Kahraman.

	 

	6'ê Hezîranê

	 

	*Hevseroka Giştî ya HDP'ê Serpîl Kemalbay di civîna koma hefteyî de axivî.

	 

	13'ê Hezîranê

	 

	*Parlamentera HDP'ê Dîlek Ocalan şîdeta li ser jinê bir meclîsê û pêşnûmepirsek da  wezîr Fatma Betul Sayan Kaya.

	 

	2'ê Tîrmehê

	 

	*Hevseroka Giştî ya HDP'ê Serpîl Kemalbay ji bo runiştina Fîgenê banga tevlîbûnê kir.

	 

	3'ê Tîrmehê

	 

	Fîgen Yuksekdag der barê Meşa Edeletê ya CHP'ê de peyamek şand.

	 

	4'ê Tîrmehê

	 

	*Yekemîn Runiştina Fîgen Yuksekdag li 16'emîn Dadgeha Cezaya Giran a Enqereyê hat dîtin.

	 

	9'ê Tîrmehê

	 

	*DBP'ê bi şîara 'Bi civaka ronakbîr re berbi azadiyê ve' 4'emîn kongreya xwe ya asayî pêk anî.

	 

	*Di kongreyê de Sebahat Tuncel û Mehmet Aslan wek hevserokên nû hatin hilbijartin.

	 

	13'ê Tîrmehê

	 

	*Fîgen Yuksekdag li ser navê girtiyên siyasetmedar yên Kandirayê daxuyaniyek da.

	 

	17'ê Tîrmehê

	 

	*Tezkereya ku cara 4'emîn OHAL sê meha dirêj kir şandin Meclîsê.

	 

	18'ê Tîrmehê

	 

	*Dayika Semîh Ozakça yê 132 roj bû di grevê de bû bi Fîlîz Keresteîoglu re hevdîtin kir.

	 

	20'ê Tîrmehê

	 

	*HDP'ê li Stenbolê bi navê 'Plana Têkoşîna Demokrasiyê' deklerasyona çareseriyê ya ji 9 xalan pêk tê aşkera kir.

	 

	24'ê Tîrmehê

	 

	*HDP'ê biryar da ku hem civîna komê û hem jî Nobeta Berxwedanê li Peyasa Amedê parka Cerenê pêk bîne.

	 

	25'ê Tîrmehê

	 

	*Polîsan nehişt gel bikeve Parka Ekîn Cerenê û tevlî civîn û nobeta berxwedanê bibin.

	*Parlamenterên HDP'ê bertek nîşanê dorpêçê dan û gotin Tirkiye veguheriye girtîgeha vekirî.

	 

	26'ê Tîrmehê

	 

	*Hevseroka Giştî ya HDP'ê Serpîl Kemalbay di serdana nobeta 'wijdan û edeletê ya' Ekîn Cerenê de axivî.

	*Pêşnûmeya HDP'ê ya ji bo lêkolînkirina bûyerên 6-8'ê Cotmehê yên Kobanê carek din ji aliyê AKP'ê ve hat redkirin.

	 

	27'ê Tîrmehê

	 

	*Ji bo xistina parlamenteriya parlamentera HDP'ê ya Wanê Tugba Hezer Ozturk li Lijneya Giştî ya Meclîsê deng hat dayîn û bi 324 dengî hat xistin.

	 

	*Bi 328 dengî parlamenteriya Faysal Sariyildiz hat xistin.

	 

	*Wekîla Seroka Koma HDP'ê Fîlîz Kerestecîoglu bertek nîşanê xistina parlamenteriya Tugba û Faysal da.

	 

	28'ê Tîrmehê

	 

	*Parlamentera HDP'ê Ayşe Acar Başaran piştî gumanbarê DAIŞ'ê hat berdan şûnde îtîraz kiribû û îtîraza wê hat redkirin û li ser vê daxuyaniyek da.

	 

	*DBP'ê diyar kir ku wê di navbera 1 û 14'ê Tebaxê de li 10 bajaran hevdîtinên bi gel re pêk bînin.

	 

	30'ê Tîrmehê

	 

	*Serpîl Kemalbay li Edenê çû serdana karkerên çandiniyê.

	 

	31'ê Tîrmehê

	 

	*Nobeta Wijdan û Edeletê ya li Amedê bi dawî bû.

	 

	1'ê Tebaxê

	 

	*TJA'yê li dijî çeteyên hişber û fuhuşê bi dirûşmeya 'Em qikirina jinê rawestînin, jiyanê qezenc bikin' kampanyaya sê mehan didome dan destpêkirin.

	 

	*Nobeta Wijdan û Edeletê ya HDP'ê li Stenbolê dest pê kir.

	 

	4'ê Tebaxê

	 

	*HDP'ê li Stenbolê civîna MYK'ê pêk anî.

	 

	8'ê Tebaxê

	 

	Civîna Wijdan û Edeletê li Wanê li Parka Musta Anter hat destpêkirin.

	 

	13'ê Tebaxê 

	 

	*Hevseroka Giştî ya HDP'ê Serpîl Kemalbay çû serdana Nobeta Wijdan û Edeletê ya  li Wanê.

	 

	15'ê Tebaxê

	 

	*Nobeta Wijdan û Edeletê ya HDP'ê li Îzmîrê li qada Gundogdu hat destpêkirin.

	 

	19'ê Tebaxê

	 

	*TJA'yê starta kampanyaya 'Wê tecrîd wenda bike, azadî qezenc bike' li HDP'a Stenbolê starta wê da.

	 

	21'ê Tebaxê

	 

	*Çalakiyên Nobeta Wijdan û Edeletê bi dawî bûn.

	 

	5'ê îlonê

	 

	*Der barê Parlamentera HDP'ê Çaglar Demîrel de bi îdiaya 'propagandaya rêxistinê kiriye' fezleke hat amadekirin.

	 

	*Heyeta HDP'ê ji bo parlamenterên girtî hatin Dadgeha Destura Bingehîn lê nekarî bi serokê dadgehê re hevdîtinê bike.

	 

	*Li Cizîrê jina bi navê Feyruz Polat ya 8 meh ducanî bû ji ber doktor tinebû jiyana xwe ji dest dabû. Parlamentera Şirnexê Aycan Îrmez bûyer bir meclîsê.

	 

	6'ê îlonê

	 

	*hevseroka giştî ya DBP'ê Sebahat Tuncel diyar kir ku ji bo piştgirî daye Nuriye û Semîh cezayê 'ji sporê bêparhiştin' girtiye.

	 

	11'ê îlonê

	 

	*Meclîsa Jinan HDP'ê deklerasyona kampanyaya bi şîara 'wisa derbas nabe jin destur nadin' aşkera kirin.

	 

	3'ê cotmehê

	 

	*Parlamenteriya HDP'ê ya Sêrtê Besîme Konca hat xistin.

	 

	*Ji ber xistina parlamenteriya Besîmeyê jinan bi hastga 'Jin destur nadin #MüftüResmiNikahKıyamaz" hastagı derbasî çalakiyê bûn.

	 

	4'ê cotmehê

	 

	*Meclîsa Jinan a HDP'ê derbarê xistina parlamenteriya Besîme Konca de daxuyaniyek da.

	*Qanûna ku rayeya birîna mehrê dida meleyan tevî îtîrazên HDP û CHP'ê dan dengdanê û hat qebûlkirin.

	 

	5'ê cotmehê

	 

	*Jin li dijî qanûnê hatin ber meclîsê lê bi hinceta ewlehiyê negirtin meclîsê.

	 

	*Jin û parlamenteran der barê qanûnê de li meclîsê daxuyanî dan.

	 

	6'ê cotmehê

	 

	*Li parlamentera HDP'ê ya Muşê ya girtî Bucu Çelîk Ozkan ji doza dihat darizandin 6 sal ceza hat birîn.

	 

	10'ê cotmehê

	 

	*Seroka Federasyona Komeleyên Jinên Tirkiyeyê Canan Gullu ji bo der barê qanûna rayeyê birîna mehrê dide meleyan çû meclîsê lê destur nedanê.

	 

	12'ê cotmehê

	 

	*Hevdîtinên pêşnûme qanûna ku rayeya birîna mehrê dide meleyan hat taloqkirin.

	 

	16'ê cotmehê

	 

	*OHAL cara 5'emîn hat dirêjkirin.

	 

	17'ê cotmehê

	 

	*jinên li dijî pêşnûme qanûna rayeya birîna mehrê dide meleyan li Deriyê Meclîs Dîkmenê hatin cem hev û polîsan êrîşê jinan kir.

	 

	 18'ê cotmehê

	 

	*Hevdîtinên pêşnûme qanûna birîna mehrê dide meleyan li Lijneya Meclîsê ya Giştî hat destpêkirin.

	 

	*Qanûn li Lijneya Giştî ya Meclîsê hat qebûlkirin.

	 

	20'ê cotmehê

	 

	*Meclîsa jinan a HDP'ê daxuyaniyek nivîskî da û balkişandin ser tecrîda giran ya li ser Rêberê PKK'ê Abdullah Ocalan.

	 

	*Wezîrê Dadê Abdulhamît Gul ji bo kesên dixwestin dest ji hev berdin xebata navbeynakariyê îlan kir.

	 

	24'ê cotmehê

	 

	*Dayikên Aştiyê ji gelek bajaran ketin rê û ji bo carek din daxwza aştiyê bînin ziman hatin meclîsê û ji bo hevdîtin bi Abdullah Ocalan re pêk bê daxwaza hevdîtinê bi wezîre kirin.

	 

	*Hevseroka Giştî ya HDP'ê Serpîl Kemalbay di civîna Koma Jinan a Parlamentoyê ya Partiya xwe de axivî û balkişand ser şert û mercên ewlehî û tenduristiya Rêberê PKK'ê Abdullah Ocalan û banga berpirsyariyê li hikûmetê kir.

	 

	25'ê cotmehê

	 

	*Parlamenteriya parlamentera CHP'ê Şafak Pavey ya ji ber pirsgirêkên tenduristiyê îstîfa kiribû hat xistin.

	 

	3'ê Mijdarê

	 

	*HDP'ê diyar kir ku ji bo serokatiya TBMM'ê parlamentera Colemêrgê Selma Irmak namzet nîşan dane.

	*Di çarçoveya lêpirsîna serdozgeriya komarê ya Colemêrgê de di 4'ê Mijdara 2016'an de Parlamentera HDP'ê ya Colemêrgê Selma Irmak hat girtin û di doza li 5'emîn Dadgeha Cezaya Giran a Amedê hat dîtin de 10 sal û 8 meh ceza lê hat birîn.

	 

	4'ê Mijdarê

	 

	Selmayê der barê ceza de daxuyanî da û diyar kir ku ev bihar wê neyê çewisandin.

	 

	13'ê Mijdarê

	 

	Parlamentera HDp'ê ya Şirnexê Aycan Îrmez der barê zarokê bi navê Feyzullah Kabul yê li Şirnexê ket çala şaredariyê vekiriye û jiyana xwe dest da, ji wezîrê Karê Hundir Suleyman Soylu pirsî.

	 

	16'ê Mijdarê

	 

	*Berdevka Meclîsa Jinan a HDP'ê Besîme Konca bertek nîşanê biryara red a serlêdana Gulser Yildirimê ya DDB'ê da.

	 

	17'ê Mijdarê

	 

	*Feleknas Uca di Lijneya Giştî ya Meclîsê de axivî û gotinên zayendperest yên Erdogan ên ji bo jinan bikar aniye rexne kir.

	 

	21'ê Mijdarê

	 

	*Biryara xistina parlamenteriya Leyla Zanayê di Komîsyona Tevlihev de hat qebûlkirin.

	 

	23'ê Mijdarê

	 

	*Leyla Bîrlîk der barê zaroka bi navê Ruken Cansiri ya wesayîta zirxî lêxist de pêşnûmepirs da meclîsê.

	 

	*Parlamentera HDP'ê ya Edenê Meral Daniş Beştaş der barê şîdeta li ser jinê de lêkolîna meclîsê daxwaz kir.

	 

	4'ê Kanûnê

	 

	*Derbarê 19 parlamenterên HDP'ê de bi hinceta 'propagandaya rêxistinê kirine' fezleke hat amadekirin. Piranî parlamenterên fezleke der barê wan de hat amadekirin jin bûn.

	 

	5'ê Kanûnê 

	 

	*Li Meclîsê 'Pêşangeha Şermê' ya fezlekeyên der barê parlamenterên HDP'ê de hatibû amadekirin cih digirt, hat vekirin. 

	 

	6'ê Kanûnê

	 

	*Sêyemîn runiştina Doza Hevseroka Giştî ya berê a HDP'ê Fîgen Yuksekdag ku girtî tê darizandin li Salona Dadgeha Girtîgeha Sîncanê ya Enqereyê hat dîtin. 

	 

	*Fîgenê di parastina xwe de axaftinên xwe yên der barê bûyerên li Cizîr û Sûrê hatiye jiyîn de dubare kir.

	 

	8'ê Kanûnê

	 

	*Hevseroka Giştî ya HDP'ê Serpîl Kemalbay ji bo runiştina Fîgen Yuksekdagê daxuyaniyek da.

	 

	10'ê Kanûnê

	 

	*Der barê Meral Daniş Beştaş de bi hinceta wêneyên parlamenterên girtî parve kiriye bi îdiaya 'propagandaya rêxistinê kiriye' fezleke hat amadekirin.

	 

	11'ê Kanûnê

	 

	*Parlamentera HDP'ê ya Wanê Bedîa Ozgokçe Ertan  ku di hevdîtinên butçeyê de yekane jina axivî bû diyar kir ku hedefeke butçeyê ya hikûmetê a der barê wekheviya zayenda civakî de tine.

	 

	*DBP'ê  raporek der barê qeyûman de ya bi ser navê ' Pêkanînên qeyûm yên wek alava xespê ne û Modela rêveberiyên herêmî ya azadiya jinê a tevlîker a ekolojîk ya demokratîk' aşkera kir.

	 

	*Piştî rapora hat aşkerakirin jinên li kursiya serbest axivîn diyar kirin ku qezencên hatine bidestxistin bi ti awayî wê ji holê neyê rakirin.

	 

	12'ê Kanûnê

	 

	*Parlamentera HDP'ê ya Amedê Feleknas Uca der barê texrîbata li Sûrê de lêkolîna meclîse daxwaz kir.

	 

	15'ê Kanûnê 

	 

	*Di hevdîtinên butçeyê de parlamentera HDP'ê ya Êlihê Ayşe Acar Bajaran tecrîda li ser Rêberê PKK'ê Abdullah Ocalan anî rojevê.

	 

	17'ê Kanûnê

	 

	*Hevseroka Giştî ya berê ya HDP'ê Fîgen Yuksekdag peyam şand 8'emîn Lijneya Giştî ya Asayî ya HDK'ê.

	 

	*Hevseroka Giştî ya DBP'ê Sebahat Tuncel name şand 8'emîn Lijneya Giştî ya HDK'ê.

	 

	*Di 8'emîn Lijneya Giştî ya HDK'ê de Gulîstan Koçyîgît û Onur Hamzaoglu ji nûve hevberdevk hatin hilbijartin.

	 

	18'ê Kanûnê 

	 

	*Feleknas Uca li kursiya meclîsê ji bo cejna Êzidiyan pîroz bike bi kurdî dua kir û ev wek 'X' derbasî girtekên meclîsê bû.

	 

	19'ê Kanûnê

	 

	* Dîlan Dîrayet Taşdemîr der barê Murat Araç yê di bin çavan de jiyana xwe ji dest da de banga pewyirê li Serokatiya Komîsyona Lêkolîna TBMM'ê kir.

	 

	*Meral Daniş Beştaş der barê îxracan de pêşnûmepirs da serokwezîr Bînalî Yildirim.

	 

	20'ê Kanûnê

	 

	*Parlamentera Şirnexê Aycan Îrmez der barê mirinên ji ber wesayîtên zirxî pêk tên pêşnûmepirs da Suleyman Soylu.

	 

	22'ê Kanûnê

	 

	*Wekîla Seroka Koma HDP'ê Fîlîz Kerestecîoglu di girtina Pêşnûmeya Butçeya sala 2018'an a Meclîsê de axivî û diyar kir ku ji bo hewcedariyên gel mezinbûne hebe û got butçe bi vî rengî nayê qebûlkirin.

	 

	23'ê Kanûnê

	 

	*Butçeyên navendî yên 2018'an yên li Lijneya Giştî ya Meclîsê piştî xebata 12 rojan bi dawî bû. Butçe bi 305 dengî hat qebûlkirin.

	 

	24'ê Kanûnê

	 

	*Hikûmetê AKP'ê di çarçoveya OHAL'ê de KHK'yên hejmar 695 û 696 derxistin. Bi KHK'ê 2 hezar û 76 kes hatin îxrackirin. Her wiha pêkanîna 'yek reng cil' ket meriyetê.

	 

	*Serpîl Kemalbay bertek nîşanê pêkanîna 'yek reng cil' û êrîşên hêzên dewletê yên li dijî Goristana Garzan dan.