HDP: Tê xwestin ku cilên yek reng li gelan bên kirin

2017-12-24 17:05:09


	 

	ENQERE - HDP'ê bal kişand ser pergala cilên yek reng û aşkera kir ku anîna rojevê niyetek xirab û dijninahî ye û wiha got: "Dixwazin cilên yek reng li gelan bikin."

	 

	Lijneya Rêveberiya Navendî ya Partiya Demokratîk a Gelan (HDP), bertek nîşanê pêkanîna cilên yek reng a li ser girtiyan ferz dikin da û diyar kir ku bi KHK'a 696 re cilên yek reng  di şexsê girtiyan de li civakê tên ferzkirin.

	 

	HDP'ê da zanîn ku biryara cilên yek reng ne hikumet, Serokê Giştî yê AKP'ê biryarê dide û wiha got: "Di salên borî de cilên yek reng li dibistanan jî hatin rakirin, desthilatdarî dixwaze li girtîgehan cilên yek reng li girtiyan bike."

	 

	HDP'ê aşkera kir ku cilên yek reng ne cara yekemîn berî jî di rojeva Tirkiyeyê de bûne û wiha pê de çû: "Piştî derbeya 12'ê Îlonê ya sala 1980'ê, di sala 1983 û 1987'an de jî xwestin bixin meryetê. Lê wê demê girtî bi xurtî li dijî vê derketin û ev pêkanîn ji rojevê hat derxistin." HDP'ê destnîşan kir ku pêkanîna cilên yek reng li ser gelên li Tirkiyeyê tê ferzkirin, çawa di serdema derbeya leşkerî de hatin redkirin, wê di serdema derbeya sivîl de jî bi heman vîn û biryarê neyên qebûlkirin.

	 

	HDP'ê herî dawî bang li desthilatdariya AKP'ê kir ku dest ji vê pêkanînê berde.