
Feleknas Uca mijara şîdeta li hemberî rojnamegeran bir rojeva Meclisê 

2022-08-09 14:30:03


	&nbsp;

	&nbsp;

	ENQERE - Derbarê binpêkirinên mafên rojnamegerên jin de parlamentera HDP’ê Feleknas Uca pêşnûmepirsek da Serokatiya Meclîsê.&nbsp;

	&nbsp;

	Parlamentera Partiya Demokratîk a Gelan (HDP) a Êlihê Feleknas Uca têkildarî binpêkirinên li dijî rojnamegerên jin, bi daxwaza ku Cîgirê Serokkomar Fûat Oktay bibersivîne pêşnûmepirsek da Serokatiya Meclisê.&nbsp;

	&nbsp;

	Sedema pêşnûmepirsê wiha hat vegotin:&nbsp;

	&nbsp;

	“Li gorî rapora Platforma Rojnamegerên Jin a Mezopotamyayê (MKGP) ya sala 2022’yan; 161 binpêkirin hatine kirin. Di raporê de tê gotin ku 18 rojnameger di dema şopandina nûçeyê de rastî êrişa fîzîkî ya polîsan hatine û li ser medyaya dijîtal jî rastî heqaret û tacîza devkî hatine.&nbsp;

	&nbsp;

	Li gorî raporê;&nbsp;

	&nbsp;

	* 14 rojnameger rastî tundiyê hatin,&nbsp;

	&nbsp;

	* 6 rojnameger dema peywira xwe dikirin gef lê hatin xwarin,&nbsp;

	&nbsp;

	* Bi ser mala 10 rojnamegeran de hate girtin,&nbsp;

	&nbsp;

	* 26 rojnameger hatin binçavkirin,

	&nbsp;

	* Rojnamegerek jî hate tacîzkirin,&nbsp;

	&nbsp;

	* 31 rojnameger dema li qadê nûçe dişopandin hatin astengkirin,&nbsp;

	&nbsp;

	* Mafê rêwîtiyê yê rojnamegerekê jî hate astengkirin,&nbsp;

	&nbsp;

	* 6 rojnameger bi sedema xebatên rojnamegeriyê hatin girtin,

	&nbsp;

	* &nbsp;Bi darê zorê zexta sîxûrtiyê li rojnamegerekê hate kirin,&nbsp;

	&nbsp;

	* Rojnamegerek jî bi sedema ku zarok bû ye ji kar hat avêtin,&nbsp;

	&nbsp;

	* Zext û sansûra li dijî rojnamegeran roj bi roj zêdetir dibe.

	&nbsp;

	Rojnamegerên jin li qadê hîn bêhtir bi van zehmetiyan re rû bi rû dimînin. Parlamenter Feleknas Uca xwest Fuat Oktay van pirsên wê bibersivîne:&nbsp;

	&nbsp;

	* Ji bo pêşîlêgirtina tundiya psîkolojîk û fîzîkî ya li dijî rojnamegerên jin, ji bo pêşîlêgirtina binpêkirina mafên wan ên rêwîtî û şopandina nûçeyan, gelo xebateke we ya verastkirina qanûnî heye yan na?&nbsp;

	&nbsp;

	* Hûn derxistina ji kar a bi sedema anîna zarokan a rojnamegerên jin çawa dinirxînin? Ji bo pêşîlêgirtina vê hûn xebatên çawa dikin?&nbsp;

	&nbsp;

	* Heta niha we derheqê çend kesên li ser medyaya civakî heqaret û gefan li rojnamegerên dikin kar û barên edlî daye destpêkirin?&nbsp;

	&nbsp;

	* Çend rojnameger di girtîgehê de ne? Ji van rojnamegeran çend jê jin in?&nbsp;

	&nbsp;

	* Hem li DMME’yê û hem jî di Dadgeha Makeqanûnê de derheqê binçavkirin û girtina rojnamegeran de gelek biryarên binpêkirinê hene. Gelo mebesta ji domandina van binpêkirinan çi ye? Gelo ji bo pêşîlêgirtina vê rewşê dê verastkirinek were kirin an na?”&nbsp;