Komîsyona Kedê ya HDP'ê metna 'budçeya gel' eşkere kir  

2021-10-25 16:57:47


	 

	 

	ENQERE - Komîsyona Aborî û Kedê ya HDP'ê metna polîtikayê ya têkildarî "butçeya gel" bi raya giştî re parve kir. HDP'ê li dijî budçeya qesrê budçeya gel parast. 

	 

	Partiya Demokratîk a Gelan (HDP), li dijî Budçeya Rêveberiya Navendî ya Sala 2022’an metna “Budçeya Gel” amade kir û bi civînek çapemeniyê li Meclîsê eşkere kir. Cîgirê Hevserokên Giştî yên HDP’ê ku Komîsyona Aboriyê Berpirsiyar e Garo Paylan, Cîgira Hevserokên Giştî yên HDP’ê ku ji Komîsyona Kedê Berpirsiyar e Şaziye Kose, Cîgirê Hevserokên Giştî yên HDP’ê ku ji Komîsyona Ekolojiyê Bepirsiyar e Nacî Sonmez û Cîgirê Hevserokên Giştî yên HDP’ê ku ji Komîsyona Polîtîkayên Tenduristiyê û Civakî Berpirsiyar e Samet Menguç beşdarî civînê bûn. 

	 

	Garo Paylan daxuyanî da û wiha got: “"Butçeya ji qesrê ji sedî 1 bû, budçeya qesrê, budçeya şer û alîgiran e. Me derbarê budçeyê de bi gel re hevdîtin kir û li daxwazên wan guhdar kir. Em li Agirî, Mêrdîn, Enqere û Stenbolê bi gelek aliyên gel re hatin cem hev. Me budçeya gel ji bo bibe alîgiriya ked û gel amade kir.

	 

	Em ê bi polîtîkayên aştiyane lêçûnên şer kêm bikin

	 

	Em ê dawî li vê şatafata li Qesrê bînin û hemû qesrên dimeşin, digerin û avjeniyê dikin bifiroşin. Kesê ku di sektora dewletê de bixebite, serokkomar û wekîl jî di nav de, dê ji 3 qatan mûçeyên asgarî nesitînin. Bi vî awayî em ê çavkaniyan dabîn bikin. Em ê dabîn bikin kesên di saziyên cemaweriyê de dixebitin, 3-5 mûçe negirin û bikin ku yek mûçeyê werbigirin. Em ê bi polîtîkayên aştiyane lêçûnên şer kêm bikin. Em ê çavkaniyên ku ji budçeyê diherikin şîrketên alîgir rawestînin. Em ê muafiyeta bacên ku ji sermayeye re diçin û efûyên bacan rawestînin. 

	 

	Têkoşînek hevpar bidin

	 

	Em bang li hemû sendîkayan, hemû beşên civakê û rêxistinên civakî yên sivîl dikin ku li dijî vê bêwîjdaniyê bikevin tevgerê. Em bang li hemû gelê xwe dikin ku têkoşînek hevpar bidin.”

	 

	Budçeya jin û ciwanan

	 

	Garo di dawiyê de xal bi xal budçeya ji bo gel eşkere kir. Garo got ew ê mûçeya asgarî bikin 5 hezar lîre. Garo got divê budçeya jinan pêk bînin û dawî li projeyên rantê ku talana ekolojiyê pêk tînin bînin. Garo da zanîn ku wê budçeya gel ji bo ciwanên ku hêviya xwe siberojê winda kirne bibe hêvî û mehê 2 hezar lîre burs bidin xwendekarên zanîngehan. 

	 

	'Em ê ji bo cotkaran jî budçeyê veqetînin'

	 

	Garo diyar kir ku ew ê budçeya zarokan jî saz bikin û pêdiviyên bingehîn ên zarokan mîsoger bikin. Garo got ew ê ji bo astengdaran jî budçeyê veqetînin û ji wan re bibin alîkar. Garo anî ziman ku budçeya gel li cem cotkarên ku nikarin zeviyên xwe biajon e û wê ji bo cotkaran jî budçeyê veqetînin. 

	 

	'Em ê ji daxwazên gel re bibin bersiv'

	 

	Garo diyar kir ku budçeya gel wê ji daxwaza kedkarên cemaweriyê ku bi ferqîriyê re têdikoşin bibe bersiv û wê hemû kesên hatine îxrackirin vegerin ser karê xwe û budçeya gel wê nefesê bide teqewîtan. Garo destnîşan kir ku wê budçeya gel ji esnafan re bibe alîkar û her wiha wê piştevaniya kesên ku qet dahatûya wan nîne re bike. Garo got wê bêkarî bi dawî bibe û budçeya ew pêşniyaz dikin ji daxwazên gel re dê bibe bersiv.