
Heyeta Siwêdê çû serdana Meclîsa Jinê ya HDP'ê 

2020-10-07 14:13:16


	&nbsp;

	ENQERE - Rêveberên Parlamentoya Swêdê çûn serdana piştevaniyê ya Meclîsa Jinê ya HDP'ê.&nbsp;

	&nbsp;

	Serdanên piştevaniyê yên li dijî êrişên li ser Partiya Demokratîk a Gelan (HDP) dewam dikin. Serokwekîla Parlementoya Swêdê Lotta Johansson Fornarve, Berpirsê Têkiliya Derve ya Partiya Çep a Swêdê Håkan Svenneling û Rêveberê Foruma Çep a Navneteweyî (VIF) Jonas Kårling li dijî êrişên li ser HDP'ê çûn serdana Meclîsa Jinê ya HDP'ê.&nbsp;

	&nbsp;

	Hevberdevka Komisyona Têkiliya Derve ya HDP'ê Feleknas Ûca, Endamên Koordînasyona Jinê ya HDP'ê Rojda Bedia Akkaya û Latife Demirci Kahya heyet pêşwazî kirin. Serokwekîla Parlementoya Swêdê Lotta Johansson Fornarve, têkildarî têkoşîna jinê ya Swêdê agahî parve kir. Johansson bal kişand ser têkoşîna hevpar a jinan û got ew dixwazin têkildarî têkoşîna jinên HDP'yî yên li Tirkiyeyê bibin xwedî agahî.&nbsp;

	&nbsp;

	Endama Koordînasyona Jinê ya HDP'ê Rojda Bedia Akkaya anî ziman ku HDP partiya jinê ye û têkildarî xebatên Meclîsa Jinê de agahî da. Bedia bal kişand ser piştevaniya jinê û anî ziman ku wekî HDP'ê berpirsiyariya wan zêde bûye.&nbsp;

	&nbsp;

	&nbsp;