
13 partiyên siyasî: Em li dijî xespkirina şaredariyan bêdeng namînin  

2020-05-18 14:48:48


	&nbsp;

	ENQERE - Tayînkirina qeyûman ji hêla 13 partiyên siyasî ve hat şermezar kirin û wiha gotin: "Vîna 3 milyon mirovan tune hat hesibandin. Em li dijî vê xespê bêdeng namînin."&nbsp;

	&nbsp;

	13 partiyên siyasî ku ji DBP, Partiya Şoreşger, EMEP, ESP, HDP, Partiya Çep, SODAP, SYKP, TOP, TÎP, TKP û Partiya Pêşeroj û Çep a Keskan pêk tên, tayînkirina qeyûman a şaredariyên HDP’ê bi daxuyaniyek hevpar şermezar kirin.&nbsp;

	&nbsp;

	Partiyan bi sernavê “Ya ku hatiye xezpkirin vîna gel e. Em bêdeng namînin" daxuyaniya hevpar dan û gotin: “Em li dijî binpêkirina mafê bijartin û hilbijartinê, tunekirina vîna gel, bêtesîrkirina rêveberiyên herêmî û desteserkirnia nirxên gel bêdeng namînin. Mafê bijartin û hilbijartinê ji aliyê Destûra Bingehîn ve hatiye mîsogerkirin.&nbsp;

	&nbsp;

	Ev bi tayînkirina qeyûm carek din hat xezpkirin. Vîna gel ku di hilbijartina rêveberiyên herêmî de danî holê, bi Qeyûman xezp kirin. Carek din li dijî hiqûq u demokrasiyê qeyûm tayînî 5 şaredariyên din ên HDP’ê kirin. Li aliyekî bi bêhiqûqiya KHK'ê 6 şaredariyên HDP'ê xesp kirin. Li aliyê din bi qeyûman 45 şaredariyên HDP’ê xesp kirin. Hevşaredarên ku tu sûcê wan tune hatin girtin. Bi vê yekê vîna 3 milyon mirovan tune hat hesibandin. Em li dijî vê xespê bêdeng namînin."&nbsp;