Jinên kevneşopiya ‘Kade’ didomînin  

2018-12-09 09:33:13


	 

	WAN - Kevneşopiya ‘kade’ ku bi navê kulîçeya kurd tê zanîn û di tenûrê de tê pijandin, ji aliyê jinan ve tê berdewamkirin. Leyla Peyan ya bi salan e Kade dipijîne, diyar kir ku tehma Kade ji ardên biraştî û gûzan tê.

	 

	Kade ligelek bajarên Kurdistanê tê çêkirin û bi salan e wek kevneşopî nifş bi nifş heta îro hatiye. Yek ji kesên ku vê kevneşopiyê didomîne, Leyla û keça wê Meryem Peyam a li Sixkê ya Wanê dijîn e.

	 

	’25 sal e em çêdikin’

	 

	Leyla diyar dike ku di temenê biçûkatiyê de çêkirina Kade ji dayika xwe hîn kiriye û wiha got: “Ewil em hevîr dikin.Tirş dibe û em piştre dibin li tenûrê dixin. Meryem jî hundirê Kade çêdike. Em ardê biraştî û gûzan dikin nav. Em şekir an jî xwê jî dikinê. Ji ber zivistanê em zêde çêdikin û davêjin cemedankê.”

	 

	Leylayê di dawiya axaftina xwe de daxuyakirin ku çêkirina Kade gelek bi zehmete û got ger hevîrê wê baş çênebe bi tenûrê ve jî nagire û divê rûnê hevîr baş bê pîvan.