
Nurşan Demîr hat surgunkirin û ji zarokê xwe hat dûrxistin 

2018-05-17 09:10:48


	&nbsp;

	MÊRDÎN - Nurşan Demîr a li Nisêbînê hat binçavkirin û bi îşkenceyê îfadeya wê hat girtin û piştre hat girtin, bêyî agahiyê bidin malbat û parêzerên wê surgunî Girtîgeha Wanê hat kirin. Nurşana ku 5 zarokên wê hene, dîtina wan zehmetir bû.

	&nbsp;

	Nurşan Demîr a 45 salî ku di nav 70 kesên di pevçûnên Nisêbînê de hat binçavkirin de cih digire, ev du sal e li Girtîgeha Tîpa E ya Mêrdînê bû û surgunî Wanê hat kirin. Nurşan bi îfadeyên di bin îşkenceyê de dabûn û îfadeyên şahidê veşartî ev du sale girtiye û di du dadgehên berê de gotibû wê di bin îşkenceyê de îfade daye û naxwaze ji zarokên xwe dûr bimîne.

	&nbsp;

	Du rojan li Muşê hatiye girtin

	&nbsp;

	Piştî malbat diçe hevdîtina Nurşanê hîn dibin ku ew surgun kirine. Malbat piştî hîn dibin ew biriye Wanê li Girtîgeha Wanê digerin û dixwazin rojên hevdîtinê hîn bibin lê ji malbatê re tê gotin ku kesek wisa li wir tuneye. Li ser vê malbat li Girtîgeha Mêrdînê digere û lê ew jî dibêjin me şandiye Wanê. Du rojan malbat telefonan dike û agahiyê nagire. Piştî parêzer dikeve dewrê hîn dibin ku bêyî hincet du rojan &nbsp;li Girtîgeha Tîpa E ya Muşê wek ‘mêvan’ hiştine.

	&nbsp;

	Nurşana ku hat surgunkirin 5 zarokên wê hene û bi surgunê re wê zarok mehê carekê dayika xwe bibînin. Malbatê diyar kir ku berê qe nebûya hefteyê carekê zarok diçûn hevdîtinê û gelek bi bandor dibin. Malbatê diyar kir ku bi vê yekê hem îşkence bi dayikê hem jî bi zarokan tê kirin.

	&nbsp;