
Şênkayiya li çiyayên Colemêrgê li ser tezgahan cihê xwe girt 

2022-05-04 09:01:24


	&nbsp;

	&nbsp;

	Rabia Onver

	&nbsp;

	COLEMÊRG - Şênkayiya li çiyayê Geverê ya cur be cur li ser tezgahan cihê xwe girt.

	&nbsp;

	Şênkayiya ku li çiyayên navçeya Geverê ya Colemêrgê şîn tê li ser tezgahan cihê xwe girt. Welatiyên Geverê hîngedan, kereng, çiriş, rêvas, mendê, siyabo, alo û çorinê kom dikin. Şênkayiya ku tê komkirin li ser tezgahan tê firotin. Şênkayî li gor sala borî buha bûye. Sala borî kîlo bi 5-6 TL bû lê belê îsal bi 10-12 TL'yî ye.&nbsp;

	&nbsp;

	Şênkayiya li navçeyê wiha tê bikaranîn:

	&nbsp;

	Kereng: Şîva kerengan jî çêdibe û xavî jî dikare bê xwarin. Kereng dikare bê kelandin û di sarincê de bê hilatin da ku zivistanê jî bê xwarin. Her wiha zilopiya kerengan jî dikare bê çêkirin. Ji bo tendirustiyê jî baş e.&nbsp;

	

	&nbsp;

	Mendê: Ji bo penîr tê bikaranîn û bi tena serê xwe jî dikare bê xwarin. Dikare bi hêk û rûn jî bê çêkirin û bê xwarin. Di heman demê de tameke xweş dide caciqê jî.&nbsp;

	

	&nbsp;

	Siyabo: Siyabo di nava rûn û hêkan de jî tê çêkirin. Ji bo çorbeya dohinê jî tê bikaranîn û welatî dixin nava penîr jî.&nbsp;

	

	&nbsp;

	Çorin: Welatî çorinê dixin nava sawar û birincê jî. Her wiha di nava xwarina Keledoşê ya li Wan û Colemêrgê navdar e jî tê bikaranîn.&nbsp;

	&nbsp;

	

	&nbsp;

	Sîr: Ev bêtir dikeve nava penîrê bi giya.&nbsp;

	

	&nbsp;

	Çiriş: Çiriş bêtir havînê tê komkirin û zivistanî tê bikaranîn. Bêtir di nava sawarê de tê bikaranîn.&nbsp;

	

	&nbsp;

	Hîngedan: Ji bo nexweşiyên şekir, dil û tansiyon baş e.&nbsp;

	

	&nbsp;

	Rêvas: Rojane tê bikaranîn. Tirş e. Ji aliyê hinekan ve tirşiya wê jî tê çêkirin.&nbsp;

	

	&nbsp;

	&nbsp;