
Gavan şûnde neavêjin, bibin yek û siberojeke azad û wekhev ava bikin 

2019-04-13 09:24:03


	&nbsp;

	Tiştek bi hêsanî nayê stendin pêwîstî bi guhertina zihniyetê heye da ku gavên girîng ber bi azadiyê ve were avêtin. Li Sûdanê êdî berxwedana jinên pêşeng bi ser dikeve.

	&nbsp;

	Sorgul Şêxo

	&nbsp;

	Gavan şûnde neavêjin, êdî dem hatiye ku azadî û edalet pêk were û xewnên hezaran sal ku gel taybet jin bendewarê wê bûn, pêk were. Yekîtî û hevgirtina xwe ava bikin û siberojeke azad û wekhev dûrî nexweşiya desthilatdariyê, ava bikin.

	&nbsp;

	Xwepêşandanên ku li Sûdanê ji 19'ê Kanûnê ve dest pê kiriye û heta roja îro dewam dike, bû sedema şoreşa jinê. Jinên ku îro pêşengtiya xwepêşandana Sûdanê dike dê armanceke baş bi xwe re bîne ku gel taybet jinên ku bi hezaran sal mafê wan hatiye binpêkirin di nava edalet, aştî û azadiyê de bijîn. Maf nayê dayîn lê tê standin. Jinên Sûdanê jî dê bi îrade û hêza xwe mafê xwe ji desthilatdaran bistînin. Bi hezaran welatiyên Sûdanê bi ber Navenda Fermandariya Giştî ya Artêşê li dijî Hikûmetadesthilatdar Serok Omer El-Beşîr meşiyan. Tevî wê jî Artêşê bi gazên îsotê êrîşî xwepêşananan kir û hewl da ku rawestîne lê nikarî bû. Nêzî 51 kesî di nav de jin û zarok hebûn hatin kuştin. Artêşê duh diyar kiribû ku Rejîm hatiye belavkirin û dictator Omer El- Beşîr ku 30 sal desthilatdar e, hate girtin.

	&nbsp;

	Di xwepêşandanên ku jinên Sûdanê pêşengtiya wê dike, asta bandorkirina têkoşîn û berxwedanan jinên şoreşger di kesayeta wan de, dide der. Jinên ku li hember hemû zor û zehmetiyan ber xwe dan, li hember koledariyê hezarê salan ku sîstema heyî ferz kiribû , biryara guhertina sîstemê û rêveberiyê da. Di têkoşîna zêdetirî 40 salî de ku jinên Kurd pêşengtiya wê kirin mîna Bêrîtan, Zîlan,Viyan û Sakîneyan muhra xwe li dîrokê da. Dîrokê kêliyên berxwedana jinan hember têkbirina faşîzmê nivîsand.

	&nbsp;

	Hêzên QSD'ê ku çeteyên DAIŞ'ê ku bûbû metirsî li ser hemû mirovahiyê, têk bir û têkçûna DAIŞ'ê bû çîrokek serfiraziyê û di dîrokê de hate nivîsandin. Rojeke ji rojan hêzeke tarî kêliyên jinan kiribû dojeh û hêzên QSD' ê dojeha jinan veguherand buhuştê. Êdî jinên Kurd, Ereb û Aşûrî her wiha dehan pêkhateyên din bi îrade û hêza xwe jiyan, sazî û dezgehan bi rê ve dibin û di hemû cîhanê de dibin mînak û pêşeng.&nbsp;

	&nbsp;

	Jinên Kurd bûn pêşengên Serdema 21’an, di vê serdemê de êdî jin dê bibe pêşenga hemû serdeman. Çarşefa reş a li ser rûyê desthilatdar û dagirkeran ku azadiya jinan dorpêç dikin û civakê bi rengekî neexlaqî ava dikin dê were çirandin. Dê dawî li tarîtiyê were û tîrêjên azadiyê li asîmanê welatan belav bibe. Êdî kêliyên azadiyê nêz e, lê têkoşîneke bi biryar û li ser bingehê pêkanîna edalet, azadî û guhertina zihniyeta civakê pêwîst dike.&nbsp;

	&nbsp;

	Êdî li Paytexta Cezayîrê jî gel û jin daketin qadan û doza çûyîna Serokê demkî Ebd-El-Qadir Bin Salih û Serokê Wezîran Nûr EL-Dîn Bedewî, kir. Êdî dem dema yekîtiya jinan a li hember faşîzm û desthilatdaran e.

	&nbsp;

	Tiştek bi hêsanî nayê stendin pêwîstî bi guhertina zihniyetê heye da ku gavên girîng ber bi azadiyê ve were avêtin. Li Sûdanê êdî berxwedana jinên pêşeng bi ser dikeve.

	&nbsp;