
Ji bo rojnameger Bêrîtan Canozer 7 sal û 6 meh cezayê girtîgehê hat xwestin 

2022-10-13 11:19:56


	&nbsp;

	&nbsp;

	AMED - Dozgeriyê di 3'yemîn danişîna doza rojnameger Bêrîtan Canozer de 7 sal û 6 meh cezayê girtîgehê xwest.

	&nbsp;

	3'yemîn rûniştina doza ku der barê nûçegihana ajansa me Bêrîtan Canozer de bi îdiaya "Bi rêya çapemeniyê propagandaya rêxistinê kiriye" li 4'emîn Dadgeha Cezayê Giran a Amedê hat dîtin. Bêrîtan beşdarî danişînê nebû, parêzerê wê Resûl Temur di danişînê de amade bû.&nbsp;

	&nbsp;

	Dadgehê diyar kir ku daîreya îstînafê biryara 11'emîn a Dadgeha Cezayê Giran a Amedê ya derbarê dosyaya bi hejmara 2019/879'an de red kiribû, parêzerê dosyayê jî ji bo temyîzê dosya bir Daîreya Ceza ya Dadgeha Bilind.&nbsp;

	&nbsp;

	Piştre parêzer Resul mafê axaftinê girt û got: "Heke dadger li benda vegera dosyaya Dadgeha Bilind raweste dê baştir bibe."

	&nbsp;

	Meqama îdîayê jî li dijî daxwaza parêzer derket û daxwaza biryardayînê kir.&nbsp;

	&nbsp;

	Şandeya dadgehê, biryar da ku dê li benda biryara Dadgeha Bilind nesekînin ji ber ku dê bandorê li vê dosyayê neke.&nbsp;

	&nbsp;

	Meqama îdîayê di mutalaa xwe de bi hinceta "Bêrîtan di hesaba xwe ya medyaya dijîtal de gelek caran di dîrokên cuda de bangewaziyên ku di nav de şîdet heyî parvekiriye" û 7 sal û 6 meh cezayê girtîgehê xwest.&nbsp;

	&nbsp;

	Parêzer Resûl jî ji bo parastinê dem xwest.&nbsp;

	&nbsp;

	Şandeya Dadgehê daxwaza parêzer qebûl kir û danişîn taloqê 17'ê cotmehê kir.&nbsp;