
Di Doza Kobanê de dozger xwest siyastmedar girtî bên darizandin  

2022-06-09 14:07:39


	&nbsp;

	&nbsp;

	ENQERE - Dozger di Doza Kobanê de bi îdiaya ku gumana reva siyasetmedaran heye, xwest siyasetmedaran girtî bên darizandin.&nbsp;

	&nbsp;

	Danişîna 13’emîn a Doza Kobanê ku 22 siyasetmedar jê girtî bi giştî 108 siyasetmedar tên darizandin di roja 7’emîn de li eywana danişînê ya Kampûsa Girtîgeha Sîncana Enqereyê tê dîtin. Dadgeha Cezayê Giran a Enqereyê ya 22’yemîn dozê birêve dibe. &nbsp;Gelek parêzer û parlamenterên HDP’ê tevli danişînê bûn.&nbsp;

	&nbsp;

	Siyasetmedarên li Girtîgeha Sîncanê li eywana danişînê amade bûn û siyasetmedarên li girtîgehên cuda jî birêya &nbsp;Pergala Deng û Dîmen (SEGBÎS) beşdarî danişînê bûn. Danişînê bi xwendina nasname û ewraqên li dosyeyê hatine zêde kir dest pê kir. Dozger bi awayek nivîskî pêşkêş kir.&nbsp;

	&nbsp;

	Piştre dadger navber da danişînê. Di vê navberê de siyasetmedarên bi SEGBÎS’ê beşdarî danişînê bûn û parlamenterên li eywanê amade bûn sohbet kirin.&nbsp;

	&nbsp;

	Dozger daxwaza girtî darizandinê kir

	&nbsp;

	Piştî navberê dozger mutalaya xwe bi awayek kurtahî eşkere kir û bi îdiaya ku reva siyasetmedaran heye xwest siyasetmedar girtî bên darizandin. &nbsp;Serokê dadgehê jî diyar kir ku ji bo mutala bigihîje siyasetmedarên di girtîgehê de muzakere hatiye nivîsandin.&nbsp;

	&nbsp;

	Dadger navberek din da danişînê.&nbsp;