
Danişîna doza Fîgen Aras hat taloqkirin  

2022-05-13 14:14:42


	&nbsp;

	AMED - Danişîna doza endama Akademiya Jinan Fîgen Aras taloqê 21'ê îlonê hat kirin û daxwaza rakirina tedbîra kontrola edlî jî ji hêla heyeta dadgehê ve hat redkirin.&nbsp;

	&nbsp;

	Hat îdiakirin ku Hîcran Berna Ayverdî derbarê 800 kesî de îfade daye û hatiye belgekirin ku tiryakê kişandiye û hişê wê ne li serê wê ye. Hîcran a ku ji Qanûna Poşmantiyê sûd wergirtiye û cezayek hindik lê hat birîn û pişt re hat berdan li ser endama Akademiya Jinan Fîgen Aras jî îfade daye. Danişîna doza Fîgen Aras li Dadgeha Cezayê Giran a Amedê ya 10’emîn pêk hat.&nbsp;

	&nbsp;

	Fîgen Aras û parêzera wê Rûşen Seydaoglu di danişînê de amade bûn. Îtîrafkar Hîcran jî jî bi rêya SEGBÎS’ê beşdarî danişînê bû.&nbsp;

	&nbsp;

	Hîcran, îdia kir ku Fîgen Aras di “Meclisa KCK’ê ya Tirkiyeyê” de wezîfedar e û Fîgen van xebatan di bin navê “kooperatîfiyê” de bi rê ve biriye.&nbsp;

	&nbsp;

	Fîgen jî li dijî îdiayên îtîrafkarê da zanîn ku wê tu carî di xebata kooperatîfiyê de cih negirtiye û wê li Komeleya Jinan a Cerenê ku di bin banê Şaredariya Peyasê de bûye rêveberî kiriye.&nbsp;

	&nbsp;&nbsp;

	Parêzer Rûşen Seydaoglu jî li dijî beyanên Hîcranê parastina miwekîla xwe kir û destnîşan kir ku îfadeyên &nbsp;Hîcranê ji “îdiayên razber” pêk tên û wiha got: “Şahid derbarê bi sedan kes de îfade daye. Di hin serdeman de tiryakê kişandiye. Tenduristiya hiş ango aqil a şahid ne li cih û belgeyên vê yekê jî hene. Tu palpiştiya beyanên şahidê tune ye. Ez dixwazim miwekîla min ji danişîna bê rizgarkirin. Ez dixwazim şertê kontrola edlî ya miwekîla min bê rakirin.”&nbsp;

	&nbsp;

	Dozger daxwaza Rûşen Seydaoglu red kir û ji bo mutalayê amade bike xwest dosye jê re bê şandin.&nbsp;

	&nbsp;

	Heyeta dadgehê daxwaza ku Fîgen Aras ji danişînan bê rizgarkirin qebûl kir û biryara redkirina rakirina tedbîrên kontrola edlî da û danişînê taloqî 21’ê îlonê kir.&nbsp;

	&nbsp;