
Ji bo gumanbarê ku Naîleyê qetil kir cezayê muebeta giran 

2022-04-05 09:12:16


	&nbsp;

	Şehrîban Aslan

	&nbsp;

	AMED - Cerdevan Orhan Çetîn ku jina pê re zewicandî Naîle Çetîn bi îşkenceyê qetil kir, bi cezayê muebeta giran hat cezakirin. Dadgehê diyar kir ku gumanbar îftereyan li Naîleyê dike û ceza danexist.

	&nbsp;

	Li navçeya Pasûrê ya Amedê gumanbar Orhan Çetîn ên cerdevan bû di 2018’an de hevjîna xwe Naîle Çetîn bi îşkenceyê qetil kir. Piştre gumanbar hat girtin û serdozgeriya komarê ya Amedê der barê gumanbar de ji sûcê ‘kuştina hevjîna xwe ya bi eziyet’ îdianame amade kir. Îdianame ji aliyê 12’emîn Dadgeha Cezayê Giran a Amedê ve hat qebûlkirin û di meha sibatê de rûniştina biryarê hat dîtin.

	&nbsp;

	Di îdianameya ku dozger amade kir de gumanbar îfadeyên gumanbaran ji rêzê kir û îdia kir ku Naîle bi kesekî din re têkiliya wê hebûye û li ser gumanan ew qetil kiriye.

	&nbsp;

	Di encama otopsiya Tipa Edlî ya Amedê de hat diyar kir ku derbeke kuştinê li serê Naîleyê hebûye û di bedena wê de şopa îşkenceyê hatiye dîtin, birînên bedena wê giran bûne û sedema mirinê jî di encama girêdana dev û poz de pêk hatiye.

	&nbsp;

	Dadgehê ji sûcekî din cezayê gumanbar taloq kir

	&nbsp;

	Di heman îdianameyê de hat destnîşankirin ku gumanbar berê jî îşkenceya sîstematîk li Naîleyê kiriye û dosya hatiye vekirin li Dadgeha Cezayê Asliyeyê ya Pasûrê ye lê dadgehê aşkerakirina hukum şûnde xistiye.

	&nbsp;

	Ji dozger daxwaza muebeta giran

	&nbsp;

	Dozger di îdianameya xwe de diyar kir ku gumanbar bi êşkişandin û îşkenceya maktul qetil kiriye û daxwaza cezayê muebeta giran kir. &nbsp;Rûniştina biryarê di meha sibatê de li 12’emîn Dadgeha Cezayê Giran a Amedê hat dîtin. Dadgehê diyar kir ku gumanbar sûcê ‘bi eziyet kuştina kesekî’ kiriye û biryara cezayê muebeta giran da. Her wiha dadgehê diyar kir ku cihê ku ceza bê daxistîn jî tune ye.&nbsp;