
Derbarê Elif Tirenç Ulaş de daxwaza ceza hat kirin 

2022-03-03 16:08:07


	&nbsp;

	AMED - Di doza rêvebera Komeleya Jinê ya Rosayê Elif Tirenç Ulaş dihat darizandin de dozger bi sûcê "endamtiya rêxistina çekdar" ceza ji Elifê re xwest.&nbsp;

	&nbsp;

	Rêvebera Komeleya Jinan a Rosayê parêzer Elîf Tîrenç Îpek Ulaş ji ber xebatên komeleyê bi îdiaya “endama rêxistinê ye” tê darizandin. Danişîna doza Elifê li 8’emîn Dadgeha Cezayê Giran a Amedê hat lidarxistin. Elifê û parêzerên xwe di danişînê de amade bûn û parastina xwe kirin.&nbsp;

	&nbsp;

	Dozger di danişînê de mutalaya xwe pêşkêşî şandeya dadgehê kir û xwest ceza li Elifê bê birîn. Parêzeran xwest muwekîla wan bê beraetkirin û ji bo dikaribin li dijî mutalayê parastinê bikin dem xwestin. Dadger daxwaz qebûl kir û danişîn taloqî 14’ê hezîranê kir.&nbsp;