
Eren Keskin ji doza ku jê dihat darizandin berat kir  

2022-02-17 15:17:49


	&nbsp;

	DÊRSIM - Hevseroka Giştî ya ÎHD’ê Eren Keskîn ku bi îdiaya “propagandaya rêxistinê kiriye” dihat darizandin, di danişîna ewil de hat beratkirin.&nbsp;

	&nbsp;

	Hevseroka Giştî ya Komeleya Mafê Mirovan (ÎHD) Eren Keskîn di sala 2019’an de li Dêrsimê di panelekê de axivîbû û ji ber vê panelê bi îdiaya “propagandaya rêxistinê kiriye” doz lê hatibû vekirin. Danişîna ewil a Erenê li 2’yemîn Dadgeha Cezayê Giran a Dêrsimê hat lidarxistin. Erenê û parêzerên xwe di danişînê de amade bûn. Gelek parêzer û nûnerên rêxistinên siyasî û sivîl piştgiriya Erenê kirin.&nbsp;

	&nbsp;

	Erenê di danişînê de axivî û destnîşan kir ku ev doza lê hatiye vekirin li dijî serdemê ye, ew sûcdariyên li ser xwe qebûl nake û xwest were beraetkirin.&nbsp;

	&nbsp;

	Parêzerên wî jî parastina miwekîla xwe kirin û xwestin were beratkirin.&nbsp;

	&nbsp;

	Dozger xwest ceza li Erenê were birîn. Serokê dadgehê diyar kir ku sûcdariyên li ser Erenê ji gumanan dûr in, nabe delîla sûc û biryara beratê da.&nbsp;

	&nbsp;

	Erenê li ber edliyê daxuyaniyek kurt da û destnîaşan kir ku îdianameya hatiye amadekirin pêkenok bû û divê dozên wiha qet neyên vekirin.&nbsp;

	&nbsp;

	&nbsp;