Gotina Leyla Guven a 'Kurdistan' bû hinceta cezayê girtîgehê

2021-12-09 09:19:50


	 

	COLEMÊRG - Gotina Hevseroka KCD'ê Leyla Guven a 'Kurdistan' a di axaftineke xwe ya li Colemêrgê anîbû ziman bû hinceta cezayê girtîgehê yê 5 salan. 

	
		 


	Ji ber gotina "Birêz Ocalan" û gotina "Kurdistan" Hevseroka Kongreya Civaka Demokratîk (KCD) Leyla Guven li 2'yemîn Dadgeha Cezayê Giran a Colemêrgê bi iddiaya "Propagandaya rêxistinê" hat darizandin û ji bo wê 5 sal ceza hat birîn. 

	 

	Dadgehê hinceta cezayê 5 salan ê li Leylayê birî eşkere kir. 

	 

	Hincet 'Kurdistan' û 'Rêber' e 

	 

	Di hincetê de hat gotin ji ber Leylayê gotina "Kurdistan" kiriye û ji Rêberê PKK'ê Abdullah Ocalan jî wekî "Rêberê me" behs kiriye rêbazên tundî û gefê rewa kiriye. Her wiha hat gotin loma Leylayê sûcê "Propagandaya rêxistinê" kiriye.