
Doza derbarê 23 kesî de didome cara 14'an hat taloqkirin 

2021-10-12 13:30:23


	&nbsp;

	&nbsp;

	STENBOL - Rûniştina 14’emîn a doza ku nûçegihanên ETHA’yê, rêveberên ESP’ê û parêzer jî di nav de 23 kes jê tên darizandin, bi hêceta ‘kêmasî bên temamkirin’ hat taloqkirin.&nbsp;

	&nbsp;

	Rûniştina 14’emîn a doza ku Hevseroka Giştî ya Partiya Sosyalîst a Bindestan (ESP) Ozlem Gumuştaş, namzeta Koma Parêzerên Demokrat ên Azad (ODAV) ê Baroya Stenbolê Sezîn Ûçar, Nûçegihanên Ajansa Nûçeyan a Etkîn (ETHA) Îsmînaz Temel û Havva Cûştan û endam û rêveberên ESP’ê jî di nav de 23 kes jê tên darizandin li 27’emîn Dadgeha Cezayê Giran a Stenbolê hat dîtin. Rojnamevan Îsmînaz Temel, Hevseroka Giştî ya ESP’ê Ozlem Gumuştaş, namzeta ODAV’ê Sezîn Ûçar û parêzerên wan di danişînê de amade bûn. Ji Komeleya Hiqûqnasên Ji Bo Azadiyê (OHD) û Komeleya Hiqûqnasên Hemdem (ÇHD) jî gelek parêzeran danişîn şopand.&nbsp;

	&nbsp;

	'Hat xwestin têkildarî medyaya dîjîtal parastinê bike'

	&nbsp;

	Şandeya Dadgehê, diyar kir ku derbarê Ozlemê de îdianameyeke nû hatiye amadekirin û dosya kirine yek. Ozlemê, da zanîn ku îdiayên derbarê wê de bê bingeh in û xwest ku nasnameya kesê ew îxbar kiriye were diyarkirin.&nbsp;

	&nbsp;

	Dadgehê xwest ku Ozlemê, têkildarî parvekirinên xwe yên medyaya dîjîtal parastinê bike. Parêzera Ozlemê, Arzû Eylem Kayaoglû, da zanîn ku wê piştî lêkolîna dosyayê parastina xwe bikin. Ozlemê û parêzera wê xwestin ku şertê kontrola edlî were rakirin.&nbsp;

	&nbsp;

	Rûniştin taloqî 15’ê Sibatê hat kirin

	&nbsp;

	Pişt re Prz. Sezîn Ûçar parastin kir. Sezîn, diyar kir ku şertê kontrola edlî xebatên wê asteng dike û xwest were rakirin. Rojnamevan Îsmînaz Temel jî heman daxwaz kir.&nbsp;

	&nbsp;

	Dozger xwest ku şertê kontrola edlî berdewam bike. Şandeya Dadgehê biryar da ku kêmasiyên dosyayê bên temam kirin, şertê kontrola edlî berdewam bike û rûniştin taloqî 15’ê Sibata 2022’yan kir.&nbsp;