
Yuksel Almas nehat tehliyekirin

2021-10-06 14:51:05


	&nbsp;

	AMED - Hevseroka MEBYA-DER'ê Yuksel Almas di rûniştina doza dihat darizandin de nehat tehliyekirin.&nbsp;

	&nbsp;

	3'yemîn rûniştina doza bi idiaya "endamtiya rêxistinê" û "propagandaya rêxistinê" li Hevseroka MEBYA-DER'ê Yuksel Almas hatibû vekirin li 9'emîn Dadgeha Cezayê Giran a Amedê hat dîtin. Yukselê bi rêya SEGBÎS'ê ji Girtîgeha Jinê ya Amedê beşdarî rûniştinê bû. Parêzerên Yukselê Hulya Hava Atli û Muhittin Muguç her wiha şahid li rûniştinê amade bûn.

	&nbsp;

	Meqama îdiayê biryara berdewamiya girtina Yukselê da.&nbsp;

	&nbsp;

	Saleke di girtîgehê de ye

	&nbsp;

	Yukselê diyar kir ku ew mutalayê qebûl nake û ev saleke bi awayekî belasebe û bi neheqî di girtîgehê de ye. Yukselê da zanîn tiştên di îdianameyê de cih digirin xebatên fermî yên kirine û berata xwe xwest.&nbsp;

	&nbsp;

	Parêzerên Yukselê jî diyar kirin ku ew mutalayê qebûl nakin û xwestin muwekîla wan berat bike.&nbsp;

	&nbsp;

	Dadgehê daxwaza demê ya parêzeran qebûl kir û biryara berdewamiya girtina Yukselê da.&nbsp;

	&nbsp;

	Rûniştin taloqî 13'ê Kanûnê hat kirin.&nbsp;

	&nbsp;

	&nbsp;&nbsp;

	&nbsp;