
Cezayê şertê kontrola edlî ê hevşaredaran hat rakirin 

2021-06-22 16:33:34


	&nbsp;

	&nbsp;

	MÊRDÎN - Cezayê berdana bi Şertê kontrola edlî yê Hevşaredara Qoserê Nîlufer Elîk Yilmaz û Hevşaredara Stewrê Gulîstan Oncu hat rakirin.&nbsp;

	&nbsp;

	5’emîn danişîna doza Hevşaredara Qoserê Nîlufer Elîk Yilmaz û Hevşaredara Stewrê Gulistan Oncu yên piştî ku ji aliyê Wezareta Karên Hûndir ve qeyûm tayînî şûna wan hatibû kirin û hatibûn girtin li 2’yemîn Dadgeha Cezayê Giran a Mêrdînê hat dîtin. Hevşaredarên ku negirtî tên darizandin ji ber pirsgirêkên xwe yên tenduristiyê beşdarî danişînê nebûn. Danişîna ku parêzer lê amade bûn bi tespîta nasnameyan dest pê kir.&nbsp;

	&nbsp;

	Parêzerên ku di danişînê de daxwazên xwe anîn ziman, diyar kirin ku îfadeya “şahidê nepen” a derbarê Elîk û Oncu de û hêmanên ku weke delîl xistine dosyayê hemû vala hatine derxistin û xwestin ku demildest biryara beraetê ji bo hevşaredaran were dayîn. Dozger xwest ku derbarê hevşaredaran de bi îdiaya “endamtiya rêxistinê” ceza were dayîn. Şandeya dadgehê hin daxwazên parêzeran qebûl kir û biryar da ku cezayê şertê kontrola edlî yê derbarê hevşaredaran de were rakirin.&nbsp;

	&nbsp;

	Dadgehê danişîn taloqî 4’ê mijdarê kir.&nbsp;