
Îstinafê cezayê 22 sal û 3 meh ê li Leyla Guven hatibû birîn erê kir  

2021-06-11 12:18:36


	&nbsp;

	&nbsp;

	AMED - Dadgeha Îstinafê cezayê &nbsp;22 sal û 3 meh ê li Hevseroka KCD'ê Leyla Guven hatibû birîn erê kir.

	&nbsp;

	Hevseroka Kongreya Civaka Demokratîk (KCD) û Parlamentera Partiya Demokratîk a Gelan (HDP) ya Colemêrgê Leyla Guven bi hinceta cezayê wê yê girtîgehê heye, wekîltiya wê hatibû xistin. 22 sal û 3 meh cezayê girtîgehê yê li Leyla hatibû birin, ji aliyê Dadgeha Edlî ya Herêmê Amedê ve hat erêkirin.

	&nbsp;

	9’emîn Dadgeha Cezayê Giran a Amedê, bi îdîaya “endamtiya rêxistinê” 14 sal û 3 meh cezayê girtîgehê û bi îdîaya “Kirina propagandaya rêxistinê” jî, du caran 4 sal bi giştî 22 sal û 3 meh ceza li Leylayê birîbû.

	&nbsp;

	Parêzerên Leylayê ji ber ku biryara dadgeha herêmî ne di cih de dîtin, serî li Dadgeha Edlî ya herêmê dabûn. Lê ev serlêdana parêzeran hat redkirin.

	&nbsp;

	Serlêdan hat redkirin

	&nbsp;

	2’yemîn Daîraya Ceza ya Dadgeha Edlî ya Herêma &nbsp;Amedê, serlêdana ji bo berdana Leylayê û betalkirina biryara dadgeha herêmî nirxand û serlêdan ji binî ve red kir. Dadgehê bi hinceta gumana ku Leylayê bireve heye, bergiriyên kontrola edlî wê kêm bimînin û ji ber sûcê ku jê tê tawanbarkirin girtina wê bi pîvan e, berdana Leylayê red kir. &nbsp;&nbsp;

	&nbsp;

	Dikare îtiraz bê kirin

	&nbsp;

	Parêzerên Leylayê li dijî biryara girtina Leylayê ya Dadgeha Îstînafê, dikarî serî li 3’yemîn Dadgeha Edlî ya Herêma Amedê bidin û rêya îtîrazê jî ji bo Darazê vekirî hatiye hiştin.

	&nbsp;

	&nbsp;