
Derbarê Hulya Alokmen de biryara girtinê hat dayin 

2021-04-14 13:21:43


	&nbsp;

	&nbsp;

	AMED - Di rûniştina biryarê ya doza Hevseroka HDP'ê ya Amedê Hulya Alokmen jê dihat darizandin de 10 sal û 6 meh ceza hat birîn û derbarê Hulyayê de biryara girtinê hat dayin.&nbsp;

	&nbsp;

	Ji ber xebatên wê yên sendîkayî yên sala 2012'an ku Hevseroka Şaxa Sendîkaya Kedkarên Xizmeta Civakî û Tenduristiyê (SES) ya Amedê dikir û delegebûna wê ya Kongreya Civaka Demokratîk (DTK), beriya niha doz li Hevseroka Rêxistina HDP'ê ya Amedê Hulya Alokmen Ûyanik hatibû vekirin. Danişîna doza Hulya li 9’emîn Dadgeha Cezayê Giran a Amedê hat dîtin. Di danişîna ku Hulya tevlî nebûyî de parêzerê wê Şeyhmûs Bayhan amade bû.&nbsp;

	&nbsp;

	Dozger, mutaalaya xwe ya di danişîna beriya niha de pêşkeşî dadgehê kiri bû, dubare kir. Parêzerê Hulya, Bayhan derbarê esasê de parastin kir û diyar kir ku delîlên di dosyayê de ji bo sûcdariya ‘endamtiya rêxistinê’ nabin delîl. Şeyhmûs, anî ziman ku çalakiyên ku kirine mijara sûc hemû di çarçoveya xebatên sendîkayî de ne û daxwaza beraeta muwekîla xwe kir.&nbsp;

	&nbsp;

	Şandeya dadgehê ji “endamtiya rêxistinê” li Hulyayê 10 sal û 6 meh cezayê girtîgehê birî û derbarê Hulyayê de biryara girtinê da.

	&nbsp;

	&nbsp;

	&nbsp;